რომელი საკვები დანამატი ამუხრუჭებს დაბერების პროცესს
რომლებიც შეიცავენ GlyNAC — ის, გლიცინისა და N-აცეტილცისტეინის კომბინაციას ამუხრუჭებს დაბერებას და ასაკთან დაკავშირებული დაავადებების განვითარებას.
კვლევაში მონაწილოებდა 24 ხანდაზმული და 12 ახალგაზრდა ადამიანი. პირველები დაყვეს ორ 12 კაციან ჯგუფად, რომელთაგან ერთი 16 კვირის განმალვობაში ღებულობდა პლაცებოს, ხოლო მეორე GlyNAC. ახალგაზრდა მოხალისეები ორი კვირის განმავლობაში ღებულობდნენ მხოლოდ GlyNAC. აღმოჩნდა, რომ საკვებმა დანამატმა აღმოფხვრა არაჯანსაღი დაბერების ისეთი ნიშნები, როგორიცაა ჟანგვითი სტრესი, გლუტათიონის დეფიციტი, მიტოქონდრული დისფუნქცია, ანთება, ინსულინისადმი რეზისტენტობა, გენომის დაზიანება და ღეროვანი უჯრედების გამოფიტვა.
GlyNAC აუმჯობესებს კუნთურ ძალას, სიარულის სიჩქარეს, ფიზიკურ ამტანობას, ასევე აწესრიგებს არტერიულ წნევას და წელის გარშემოწერილობას. ადამიანებში არსებული ცვლილებები ანალოგიური იყო იმისა, რაც აღინიშნებოდა წინასწარ კვლევებში თაგვებზე, სადაც გაუმჯობესდა გულის, ღვიძლის და თირკმელების მუშაობა. დანამატმა ცხოველების სიცოცხლის ხანგრძლივობა 24%-ით გაზარდა.
კვლევის ავტორების განცხადებით, 16 კვირის განმავლობაში ხანდაზმული ადამიანების რაციონში GlyNAC-ის დამატება უსაფრთხო აღმოჩნდა და კარგად გადაიტანეს მოხალისეებმა. ამგვარად GlyNAC -ს გლიცინისა და აცეტილცისტეინის შემცველობის შედეგად აქვს ანტიოქსიდანტური ეფექტი და წარმოადგენს ეფექტურ საკვებ დანამატს, რომელიც აუმჯობესებს მრავალ ასაკობრივ ანომალიას, რაც ხანდაზმული ადამიანების ჯანმრთელობის გაძლიერებას უწყობს ხელს.