სტომატოლოგია, დერმატო-ვენეროლოგია, კოსმეტოლოგია, პლასტიკური ქირურგია. კლინიკა საერთაშორისო სტანდარტებით, ულტრათანამედროვე ტექნოლოგიებითა და მაღალკვალიფიციური პროფესიონალების გუნდით გამოირჩევა.

დენტალური იმპლანტაციის პროცედურა ყოველდღიურად იხვეწება და პოპულარული ხდება, თანამედროვე ტექნოლოგიები კი საშუალებას გვაძლევს სრულად აღვადგინოთ დაკარგული კბილი, ესთეტიკა და ფუნქცია. სტომატოლოგიისა და ესთეტიკის ცენტრს „სმაილ სტუდიოს“ ყბა-სახის ქირურგ-იმპლანტოლოგი, პროფესორი გიორგი ბერიაშვილი და ქირურგ-იმპლანტოლოგი ზურაბ ქურდიანი ამ საკითხებზე დეტალურად გვესაუბრებიან.

არის თუ არა შემთხვევები, როდესაც დენტალური იმპლანტაცია რეკომენდებული არ არის?

გიორგი ბერიაშვილი: იმპლანტოლოგია სწრაფად ვითარდება, ხდება ნაკლებ ინვაზიური, მაგრამ მაინც საკმაოდ ვრცელია უკუჩვენებების სია. იმპლანტაციის დაგეგმვის წინ ექიმი აუცილებლად განიხილავს აქვს თუ არა პაციენტს ენდოკრინული სისტემის პრობლემები, კარდიოვასკულარული პრობლემები, შაქრიანი დიაბეტი, ხოლო სრულ უკუჩვენებად ითვლება ახალგადატანილი მიოკარდიუმის ინფარქტი, იმუნოსუპრესია, აივ ინფექცია, პირველადი ოსტეოპოროზი, დიაბეტის დეკომპენსირებული ფორმა, ნარკოდამოკიდებულება, მძიმე ფსიქიატრიული დაავადებები. ასევე ძალიან მნიშვნელოვანია, ექიმმა გაარკვიოს იღებს თუ არა პაციენტი ბისფოსფონატებს, ოსტეოპოროზის სამკურნალო პრეპარატებს.

რა დამატებითი მანიპულაციები შეიძლება გახდეს საჭირო რთული შემთხვევების დროს?

გიორგი ბერიაშვილი: როდესაც შემცირებულია და და დაქვეითებულია ძვლის ხარისხობრივი მაჩვენებლები, იმპლანტაცია დამატებით მანიპულაციებს ითხოვს. ესენია:

• აუგმენტაცია - ძვლისა და რბილი ქსოვილების მოცულობის გაზრდა ხელოვნური ძვლის ან რბილი ქსოვილების გადანერგვით;
• სინუსლიფტინგი - ზედა ყბაზე ძვლის არასაკმარისი სიმაღლის გამო ჰაიმორის წიაღში შნაიდერის მემბრანის აშრევება, აუგმენტაცია და იმპლანტის მოთავსება;
• სფლითინგი - ალვეოლარული ქედის გახლეჩა და სხვა.

რა არის ის ძირითადი კრიტერიუმები, რომლებიც წარმატებულ ოპერაციას განსაზღვრავს?

ზურაბ ქურდიანი: დენტალური იმპლანტაციის წარმატების მაღალი მაჩვენებელი დამოკიდებულია რამდენიმე ძირითად ფაქტორზე.

ერთ-ერთი და ყველაზე მნიშვნელოვანია ექიმი, მისი პროფესიონალიზმის ხარისხი, რამდენად სწორად აფასებს მდგომარეობას, როგორ იცავს საიმპლანტაციო პროტოკოლს, მენეჯმენტს, რამდენად სწორად ასრულებს სამედიცინო მანიპულაციებს.

ასევე მნიშვნელოვანია საიმპლანტაციო სისტემის ხარისხი. პროფესიონალ ექიმს შეუძლია მაქსიმალურად გამოიყენოს ნებისმიერი სისტემის რესურსი, მას შეუძლია განსაზღვროს, კონკრეტულ შემთხვევაში მიიღებს თუ არა შესაბამის შედეგს, მაგრამ ქირურგიული თვალსაზრისით, წარმატებული შედეგის მიღებისთვის მნიშვნელოვანია მაღალი ხარისხის საიმპლანტაციო სისტემა, რომლის წარმატების მაჩვენებელი თითქმის 99%-ია.

დაბოლოს, იმპლანტაციის წარმატებაში გადამწყვეტი როლი აქვს პაციენტის მოტივაციას, პოსტოპერაციულ პერიოდში კარგ ჰიგიენას და რეგულარულ საპროფილაქტიკო ვიზიტებს სტომატოლოგთან, რაც პირდაპირ კავშირშია იმასთან, თუ წლების შემდეგ რამდენად დიდი რესურსი ექნება იმპლანტს და გვირგვინს.

„სმაილ სტუდიოში“ მომსახურებას გაგიწევენ მოქმედი ასოცირებული პროფესორები. კლინიკის ყველა ექიმი ჩართულია უწყვეტი სამედიცინო განათლების პროგრამებში.

„ერთად შევქმნათ თქვენი სრულყოფილი ღიმილი“

R