თინათინ გოცაძე

1) ხტომაHigh Point Chiropractic Wellness-ის დამფუძნებელი ირუმ ტაქირი მიიჩნევს, რომ ხტომა მეტად სასარგებლოა ტვინისა და საზოგადოდ ორგანიზმისათვის. ადამიანმა ყოველდღე რეგულარულად უნდა იხტუნოს. ამ ტიპის ვარჯიში ააქტივებს ლიმფურ სისტემას, აზროვნებით ფუნქციას, ზრდის ენდორფინების დონეს (ხტომის შემდეგ გონება თითქოს “ნათდება”), ხელს უწყობს ტოქსინების გამოყოფას, კეთილისმყოფელ გავლენას ახდენს ტანადობაზე, წვრთნის გულ-სისხლძარღვთა სისტემას და ავსებს ორგანიზმს ენერგიით. ირუმ ტაქირი თავად ყოველ დილას 10 წუთი ხტის, რაც მთავარია, ხტომის პროცესში ამ ფრაზებს იმეორებს: “მე ძლიერი ვარ!”, “მე ბედნიერი ვარ!”, “მე წარმატებული ვარ!”, “მე ჯანმრთელი ვარ!” აუცილებლად მიბაძეთ მას!2) მედიტაცია

მედიტაცია კონცენტრირების საუკეთესო საშუალებაა. იგივე ეფექტი აქვს ლოცვას. ამ დროს განგაშისა და შფოთვის შეგრძნება ქრება, გონება ერთგვარ განმუხტვას განიცდის, შესაბამისად, კონცენტრირების უნარი იმატებს, ძილი უმჯობესდება. სასურველია, მედიტაცია დილაობით 20 წუთს მაინც გაგრძელდეს (თავიდან შეგიძლიათ 5 წუთით დაიწყოთ და დრო თანდათანობით გაზარდოთ). რაც მთავარია, მედიტაციის დრო და ადგილი უცვლელი უნდა იყოს.

3) წყალი

სვით ბევრი წყალი, რადგან ის მონაწილეობს ორგანიზმში, მათ შორის ტვინში მიმდინარე უამრავ სასიცოცხლო პროცესში. კვლევებით ნაჩვენებია, რომ წყალი ააქტივებს ტვინში მიმდინარე ბიოქიმიურ პროცესებს, ამაღლებს გუნება-განწყობას, ზრდის აზროვნებით ფუნქციასა და პროდუქტიულობას.

4) თვლემა

დღის განმავლობაში აუცილებლად ჩათვლიმეთ, განსაკუთრებით, როცა ამის მოთხოვნილება გაქვთ. ეს ერთგვარი განტვირთვაა ტვინისა და მთელი ორგანიზმისთვის. ჩათვლემის შემდეგ ადამიანი ძალთა აღდგენას შეიგრძნობს. ექსპერიმენტებით დადასტურებულია, რომ თვლემა ზრდის შრომისუნარიანობას, ამაღლებს პროდუქტიულობას და, რაც მთავარია, სასარგებლოა ტვინისა და სხეულის სიჯანსაღისთვის.

5) სეირნობა

6) სუნთქვითი ტექნიკა

დღეში 15 წუთი სუნთქვით ტექნიკას დაუთმეთ. ის აუცილებელია ორგანიზმის ჯანმრთელობისა და ტვინის ფუნქციობისთვის. სუნთქვის ტექნიკა მეტად მარტივია: მარჯვენა ხელის დიდი თითით დაახშეთ მარჯვენა ნესტო, ხოლო ნეკითა და არათითით (მე-5 და მე-4 თითები შესაბამისად) - მარცხენა. პირი მოკუმეთ, რომ არ გამოიყენოთ სუნთქვისათვის. ამ მდგომარეობაში ჩაისუნთქ-ამოისუნთქეთ (10-ჯერ) ისე, რომ სუნთქვის პროცესში ხმა არ გამოსცეთ. იგივე გააკეთეთ მარცხენა ხელით მარცხენა ნესტოსთვის, ამ მდგომარეობაშიც ასევე 10-ჯერ ჩაისუნთქ-ამოისუნთქეთ. აღნიშნული ტექნიკა აუმჯობესებს გულისა და ტვინის მუშაობას, მხედველობით და სმენით ფუნქციებს, აწესრიგებს არტერიულ წნევას. გახსოვდეთ, სუნთქვითი ტექნიკა უპირველესად ტვინში მიმდინარე პროცესთა საწრთობი მეთოდია!