ჩვენი მთავარი მიზანია პაციენტზე ორიენტირებული მედიცინა - კლინიკა მედიუსი - მკურნალი.გე

მკურნალის~ თვის ექიმია კლინიკა მედიუსის დამფუძნებელი,

ექიმი-ორთოდონტი, პროფესორი მედიცინის დარგში, ჯანდაცვის მენეჯმენტის მაგისტრი, მრავალწლიანი აკადემიური და კლინიკური გამოცდილების მქონე, ათასობით წარმატებული ქეისის ავტორი, ბრეისჰაუსის დამფუძნებელი, ჯაბა ადამია:

_ უკვე ორი თვეა, კლინიკა „მედიუსი“ ფუნქციონირებს. თუმცა მანამდე არსებობდა ქართულ-ამერიკული ორთოდონტიული ცენტრი BRACEHOUSE, რომლის ერთგვარი გაგრძელებაც არის კლინიკა მედიუსი. იქიდან გამომდინარე, რომ ჩვენ დავიმატეთ სხვადასხვა პროფილი, შესაბამისად, შევცვალეთ ბრენდინგი და ახლა სამედიცინო ასპარეზზე მოღვაწეობას ვაგრძელებთ მედიუსის სახელით.სახელწოდება „მედიუსი“ რომ განვმარტოთ, ლათინურად „MED” _ ნიშნავს მედიცინას, „IUS“ _ ჯადოსნურ ელექსირს და მთლიანობაში სიტყვა „მედიუსი“ აღნიშნავს შუალედურს, სადაც თანაბრად იქნება დაცული ექიმისა და პაციენტის უფლებები.„მედიუსი“ არის დასავლური სტანდარტების კლინიკა გამოცდილი პროფესიონალების გუნდით.ჩვენი მთავარი მიზანია პაციენტზე ორიენტირებული მედიცინა.კლინიკა „მედიუსში“ ფუნქციონირებს: სტომატოლოგიის სრული სპექტრი, ასევე დერმატო-კოსმეტოლოგია და რეაბილიტაცია.

_ რას სთავაზობს კლინიკა „მედიუსი“ პაციენტებს?_ კლინიკა „მედიუსი“ პაციენტებს სთავაზობს ევროპული სტანდარტის მომსახურეობას, რაც გულისხმობს იმას, რომ აქ მოსული პაციენტები იღებენ უმაღლესი ხარისხის მომსახურებას მაღალი კვალიფიკაციისა და გამოცდილების მქონე ექიმებისგან. პაციენტები დიაგნოსტიკურ მომსახურებას იღებენ უახლესი ტექნიკის საშუალებით და რაც ყველაზე მნიშვნელოვანია, პაციენტი ინფორმირებული და ჩართულია მკურნალობის ყველა ეტაპზე._ თქვენ ბრძანეთ, რომ კლინიკა „მედიუსში“ ფუნქციონირებს დერმატო-კოსმეტოლოგიური სამ­სახური. ძალიან იშვიათია სტომატოლოგიური კლ­ინიკა, სადაც პაციენტს დერმატო-კოსმეტოლოგიური პროფილის დახმარების მიღება შეუძლია. რამ განაპირობა კლინიკაში ამ მიმართულების ჩამოყალიბება?

_ დერმატო-კოსმეტოლოგია ძალიან დიდ როლს თამაშობს ამ სფეროში, რაც გულისხმობს იმას, რომ ორთოდონტიული მკურნალობის შედეგად ჩონჩხოვანი ნაწილის გასწორების შემდგომ აუცილებელია რბილი ქსოვილების დაკორექტირება. ორთოდონტია მიმართულია ყბა-კბილთა სისტემის ძვლოვანი დეფორმაციებისა და ანომალიების გამოსწორებისკენ. როდესაც ძვლოვანი ქსოვილი გასწორდება, რბილი ქსოვილის აღდგენას რამდენიმე წელი სჭირდება. სწორედ იმისთვის, რომ პაციენტმა სრული შედეგი უმოკლეს დროში მიიღოს, კლინიკა „მედიუსმა“ დაიმატა დერმატო-კოსმეტოლოგიის მიმართულება, მაღალკვალიფიციური, გამოცდილი ექიმებით, რომლებიც ფუნქციურად აღადგენენ ესთეტიკურ ნაწილს.

_ როგორც ბრძანეთ, „მედიუსში“ შესაძლებელია რეაბილიტაციის კურსის ჩატარებაც. რას მოიცავს ეს კურსი?

_ ჩვენთან პაციენტებს შეუძლიათ ფართო სპექტრის სარეაბილიტაციო სერვისების მიღება, როგორებიცაა გეგმური ფიზიოთერაპია, კინეზოთერაპია, მანუალური ჩარევები და სხვა. ხშირია დისკოპათიების, ხერხემლისა და ტერფის დეფორმაციების დროს მომართვა, ასევე ტრავმებისა და ოპერაციული ჩარევების შემდგომ დარჩენილი ტკივილისა და ფუნქციური შეზღუდვების მოსახსნელად. გარდა ამისა, სხვა სარეაბილიტაციო ცენტრებისგან განსხვავებით, გვაქვს აკნესა და დამწვრობის შემდგომი რეაბილიტაციის პროგრამებიც. ზოგჯერ სტომატოლოგიური და ყბა-სახის მიდამოში ჩატარებული ქირურგიული პროცედურების შემდეგაც ხდება საჭირო ფიზიკური ფაქტორებ­ის გამოყენება აღდგენის პროცესების დასაჩქარებლად და უკეთესი შედეგის მისაღწევად, ამისთვისაც მზადაა ჩვენი კლინიკა.

_ ორთოდონტიული სტომატოლოგიის მიმართულებით რას სთავაზობს კლინიკა „მედიუსი“ პაციენტებს?

_ ჩვენს კლინიკაში ნებისმიერი სირთულის თანკბილვის ანომალიების მკურნალობა მი­მდინარეობს. ორთოდონტიული მკურნალობა მიმართულია ყბა-­კბილთა სისტემის ძვლოვანი დეფორმაციებისა და ანომალიების ნორმალიზაციისკენ. კლინიკა `მედიუსი~ ორთოდონტიული მიმართულებით პა­ციენტს სთავაზობს ხანმოკლე, უსაფრთხო და მაქსიმალურად კომფორტული მკურნალობის პროცესს. ხშირად გსმენიათ, რომ პაციენტები წლობით ატარებენ ბრეკეტსისტემას. კლინიკა „მედიუსში“ ერთ პაციენტსაც ვერ ნახავთ, რომელიც ორ წელზე მეტხანს მკურნალობს. ამით იმის თქმა მინდა, რომ თუ სწორად დაიგეგმა მკურნალობა, ოთხი თვიდან წელიწად-ნახევრამდე სრ­ულებით საკმარისია სასურველი შედეგის მისაღწევად. ამას ადასტურებს ჩემი შედეგები, რაც სრულად ანგრევს მითს, რომ ორთოდონტიულ მკურნალობას წლები სჭირდება. უსაფრთხო მკურნალობაში ვგულისხმობ ნაკლებინვაზიურ ჩარევას მსუბუქი ძალებით, ძვლის მინიმალური განლევით, სწორედ ეს განაპირობებს კომფორტულ და უმტკივნეულო მკურნალობას და ასევე მკურნალობის მცირე დროს.

_ როგორია კლინიკის გეგმები სამომავლოდ?

_ კლინიკა „მედიუსის“ მიზანია ნდობასა და დასავლურ ცივილიზაციასთან იყოს ასოცირებული. ჩვენ ვგეგმავთ დავიმატოთ ფილიალები სხვადასხვა რეგიონში, შევეხოთ სხვადასხვა პროფილს. დაახლოებით 3-4 წელიწადში ჩვენ უნდა შევძლოთ დიდი სტაციონარის ფორმით ფუნქციონირება, სადაც წარმოდგენილი იქნება პლასტიკური ქირურგია, ტრავმატოლოგია, ორთოპედია, რეანიმაცია და სხვა. ჩვენთან მკურნალობა დაიწყება პრეოპერაციულად და დასრულდება პოსტოპერაციული რეაბილიტაციით.