დიდ დიღომში ბუნებრივი აირის გაჟონვის შედეგად აფეთქება მოხდა - არიან დაშავებულები
აფეთქების მიზეზი, სავარაუდოდ, ბუნებრივი აირის გაჟონვა გახდა.
სოციალურ ქსელში გავრცელებული ინფორმაციით, შემთხვევის შედეგად სამი ადამიანი დაშავდა. დაშავებულები, ნიგერიის მოქალაქეები არიან.
ამასთან, ადგილობრივების ცნობით, აფეთქების შედეგად დაზიანდა რამდენიმე ბინა და ადგილზე მდგომი მანქანები.
“დილით ძლიერი აფეთქების ხმა იყო. სამი ადამიანი მძიმედაა დაშავებული. როგორც ვიცით, ბინაში აფრიკელები ცხოვრობდნენ“, - აცხადებენ ადგილობრივები.
ადგილზე პოლიცია მუშაობს.
აღსანიშნავია, რომ დიდი დიღომის აღნიშნულ დასახლებას ბუნებრივი აირით "დიღომი გაზი" ამარაგებს.
ადგილობრივების ინფორმაციით აფეთქების შედეგად დაშავებულები საავადმყოფოში არიან გადაყვანილი.
კერძოდ, როგორც „ინტერპრესნიუსს“ აცნობეს, აფეთქების შედეგად დაშავდა ქალი და მისი მცირეწლოვანი შვილი, ასევე მამაკაცი, რომელიც გვერდით სახლში ცხოვრობდა.
ადგილზე არსებული ინფორმაციით, ქალი დამწვრობის ცენტრში, მცირეწლოვანი კი იაშვილის კლინიკაშია გადაყვანილი.
როგორც ადგილობრივები იუწყებიან, სახლში, სადაც აფეთქება მოხდა, ნიგერიის მოქალაქეები ქირით ცხოვრობდნენ.
დიდი დიღომში, ე.წ. ბენდუქიძის დასახლებაში აფეთქება გამთენიისას მოხდა. აფეთქების მიზეზი, სავარაუდოდ, ბუნებრივი აირის გაჟონვა გახდა.
ამასთან, ადგილობრივების ცნობით, აფეთქების შედეგად დაზიანდა რამდენიმე ბინა და ადგილზე მდგომი მანქანები.