გარდაიცვალა ცნობილი ქართველი მეცნიერი, გოჩა შათირიშვილი
ჭიპლარის სისხლის ასოციაციის სამთავრობო და საერთაშორისო ურთიერთობათა კომიტეტის წევრი, საქართველოს ტრანსპლანტაციის საბჭოს წევრი, თბილისის ონკოლოგიური ცენტრის უჯრედული ტექნოლოგიისა და თერაპიის დეპარტამენტის უფროსი მეცნიერ-თანამშრომელი, აშშ-ს ალსტრომ სინდრომ ინტერნეშენალ, ჯექსონის ლაბორატორიის ექსპერტი, საქართველოს შრომის ჯანმრთელობისა და სოციალური დაცვის სამინისტროს იშვიათ და გენეტიკურ დაავადებათა მთავარი სპეციალისტი, მედიცინის დოქტორი გოჩა შათირიშვილი.
საქართველომ დაკარგა უდიდესი სამეცნიერო გამოცდილების, განათლების, გამორჩეული პიროვნული თვისებების მქონე დიდი ადამიანი.
"მკურნალის" რედაქცია მწუხარებას გამოთქვამს და თანაუგრძნობს გოჩას ოჯახის წევრებს, მეგობრებს, კოლეგებს, მთელ სამედიცინო საზოგადოებას.
გოჩა შათირიშვილის გარდაცვალება დიდი დანაკლისია ქართული და მსოფლიო მედიცინასთვის.
