ინტოქსიკაცია - როდის ვლინდება საკვებით მოწამვლის ნიშნები და რა არის დამახასიათებელი კვებითი ინტოქსიკაციის დროს?2022/06/08 14:30საყვარელი დრო დაავადებებსაც აქვს. ზაფხულის ცხელ პერიოდში განსაკუთრებით აქტუალური ხდება კუჭ-ნაწლავის ინფექციები. მნიშვნელოვნად იმატებს კვებითი ინტოქსიკაციის პროცენტული მაჩვენებლი.

საკვებით მოწამვლის ნიშნები მისი მიღებიდან 2-48 საათის შემდეგ ვლინდება. ინტოქსიკაციისთვის დამახასიათებელია: მუცლის არეში ტკივილი, გულს რევა, დიარეა, მადის დაკარგვა, ტემპერატურის მატება, კუნთებისა და თავის ტკივილი.

კვებითი ინტოქსიკაციის დროს, თუ მდგომარეობა გართულდა, აუცილებელია ექიმთან ვიზიტი. არ მიმართოთ თვითნებურ მკურნალობას და არ მიიღოთ მედიკამენტები ექიმის დანიშნულების გარეშე, ვინაიდან მათ შეუძლიათ ნაწლავთა მიკროფლორას შემადგენლობა შეუცვალოს.

ამერიკაში საკვებთან ერთად მოხვედრილი პათოგენებით ყოველწლიურად 76 მილიონი ადამიანი ხდება ავად. ამათგან 5 ათასი შემთხვევა ფატალურად სრულდება.