ლალი ჩხიკვაძე

საცხოვრებელ კომპლექსში, სადაც ლი ჩუნციაო მუშაობდა ახალი კორონავირუსული ინფექციით დასნებოვნების შემთხვევების გამო, გამოცხადდა კარანტინი.

ამის გამო მას 17-21 მარტს მოუწია საზოგადოებრივ საპირფარეშოში ყოფნა. ყოველდღე, დილის 5 საათიდან ის ყოველ 30 წუთში ახდენდა შენობის დეზინფექციას.

ლი ჩუნციაომ შენობაში დარჩენის გადაწყვეტილება მიიღო საპირფარეშოების მუშაობის უზრუნველყოფის მიზნით. „ამ საპირფარეშოთი ბევრი ადამიანი სარგებლობდა, მათ შორის სამედიცინო პერსონალი და ვოლონტიორები“ - განაცხადა მან.

საპირფარეშოში უსიამოვნო სუნის მოსაშორებლად მას კოღოების საწინააღმდეგო სპირალის ჩართვა მოუწია. საჭმლითა და ტანსაცმლით ის კოლეგებმა და ადგილობრივმა მაცხოვრებლებმა უზრუნველყვეს. მათ ასევე იზრუნეს ლი ჩუნციაოს პლედებითა და ინდივიდუალური დაცვის საშუალებებით მომარაგებაზეც.

„პირველ ღამეს ვერ დავიძინე, სიცივის გამო. თავს უცნაურად ვგრძნობდი, მაგრამ მერე მივხვდი, რომ ვიღაცა უნდა დარჩენილიყო სამორიგეოდ“-განაცხადა ლი ჩუნციაომ. იგი უკვე შანხაის მთავარ გმირად გამოაცხადეს.