ტიბეტის მთების ყინულში 1000-მდე საშიში ბაქტერია აღმოაჩინეს
ტიბეტის თოვლის დნობამ შეიძლება გამოიწვიოს ადამიანებისა და ცხოველებისათვის საშიში შედეგები.
კვლევისათვის მკვლევარებმა 2010-2016 წ შეკრიბეს ტიბეტის 21 მყინვარის ყინულისა და თოვლის ნიმუშები. სულ სპეციალისტებმა დააფიქსირეს 968 სახეობის ბაქტერია, რომელთაგან 98% მეცნიერებისათვის უცნობი აღმოჩნდა. მკვლევარების აზრით, ამ აღმოჩენის ძირითადი პრობლემა იმაში მდგომარეობს, რომ ყინულის საფარის დნობისას ეს პათოგენები შეიძლება საშიში აღმოჩნდეს ადამიანებისა და ცხოველებისათვის მათი მდინარეებსა და ნაკადულებში მოხვედრის გამო.
ამას გარდა, ბევრ არსებულ ორგანიზმს, სავარაუდოდ არ ექნება უძველესი მიკრობებისადმი იმუნიტეტი, რაც შესაძლებელია გახდეს ახალი ეპიდემიებისა და პანდემიების მიზეზი. აღსანიშნავია, რომ ტიბეტის ყინული და თოვლი დნობის შედეგად შეიძლება დროთა განმავლობაში გახდეს ინდოეთისა და ჩინეთის მჭიდროდ დასახლებული რაიონების მკვებავი მდინარეების ნაწილი.