იშვიათმა დაავადებამ ქალი ცოცხალ ქანდაკებად აქცია
29 წლის ჟასმინ ფლოიდს აქვს ფიბროდისპლაზია, რომელიც იწვევს შემაერთებელი ქსოვილის გაძვალებას. ბოლო ორი წლის მანძილზე ქალი საწოლსაა მიჯაჭვული, რადგანაც დაავადება ზღუდავს გადაადგილების შესაძლებლობას.
დაავადების დიაგნოზი ჟასმინს 5 წლის ასაკში დაუდგინდა, თუმცა პირველ ხანებში ის რაიმე სიმპტომით არ გამოვლენილა. პირველი სერიოზული გამწვავება 2019 წელს მოხდა. ფლოიდმა საავადმყოფოში ნახევარი წელი გაატარა და მას შემდეგ მისი ცხოვრება მთლიანად შეიცვალა. ის მოგზაურობაზე, მგობრებთან ერთად დროის გატარებაზე ოცნებობდა.
ამჟამად მას არ შეუძლია ჯდომა, სიარული და ფეხზე დგომა, აქვს მუდმივი ტკივილები. დღის უდიდეს ნაწილს ის საწოლში ატარებს და მხოლოდ რამდენიმე საათით დგება. ყველაზე მარტივი ყოველდღიური ამოცანების შესასრულებლად სჭირდება მოსაბეზრებელი დაგეგმვა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ფიბროდისპლაზია უკურნებელი დაავადებაა, რომლის დროსაც შემაერთებელი ქსოვილი, მყესები, და კუნთები თანდათანობით ძვლოვანი ქსოვილით ნაცვლდება. ის მილიონში ერთ ადამიანს უვითარდება. ცნობილია ამ დაავადების დაახლოებით 900 შემთხვევა.
ფიბროდისპლაზიის გამწვავება შეიძლება სხვადასხვა ფაქტორმა განაპირობოს: ტრავმები, დაჟეჟილობა, კუნთების დაჭიმულობა. სიცოცხლის მოსალოდნელი ხანგრძლივობა ამ დაავადების დროს დაახლოებით 56 წელია, თუმცა ამ პაციენტების უმრავლესობას ნაწილობრივი ან სრული მზრუნველობა სჭირდება უკვე 30 წლიდან.
