- ეს იმ ინგრედიენტების არასრული ჩამონათვალია, რომელთა შესახებ საუბრობენ კანის მოვლის ენთუზიასტები მთელი მსოფლიოდან. ბოლო წლებია, სილამაზის ინდუსტრია უკვე აქცენტს აკეთებს შრატის, კრემის თუ ნიღბის შემადგენლობაზე, მის წამყვან ინგრედიენტსა და მოქმედებაზე და არა თვითონ პროდუქტზე, რაც მომხმარებლის მეტად ინფორმირებულობისა და ცნობისმოყვარეობით შეიძლება იყოს გამოწვეული.
მართლაც, კანის მოვლის საშუალებაზე მითითებული წამყვანი აქტიური ინგრედიენტი გვეუბნება, რას უნდა ველოდოთ პროდუქტისგან და როგორ მოვიხმაროთ ის. მაგალითად, შრატზე მითითებული აღწერა: რეტინოლი 2%-იანი კონცენტრაციით მომხმარებელს ეუბნება, რომ მისი გამოყენებისას უნდა ველოდოთ წვრილი ნაოჭების გასწორებასა და ახლის წარმოქმნის პრევენციას, დაბერების პროცესის შენელებასა და ცხიმიანობის რეგულირებას, რაც გამონაყარის შემცირებას ან სრულად გაქრობას უზრუნველყოფს და სხვა. აღნიშნულ ინფორმაციას მომხმარებელი მარტივად იღებს ინტერნეტიდან, რაც მას კიდევ უფრო გათვიცნობიერებულსა და მომთხოვნს ხდის.
თუ წლების წინ სახის კრემს ეწერა უბრალოდ დამატენიანებელი და მის შემადგენლობას ყურადღებას თითქმის არავინ ვაქცევდით, ახლა დატენიანების ფუნქციის შესახებ ინფორმაცია შეიძლება შეფუთვის უკანა მხარეს, წვრილი შრიფტით დაწერილ ანოტაციაში იყოს გადატანილი და წინა მხარეს კი მწარმოებელმა დაგვიწეროს, რომ კრემი არის ჰიალურონის მჟავით კონცენტრირებული, რაც უკვე კონკრეტულ მოლოდინებს გვიჩენს და არჩევანის გაკეთებას გვიადვილებს.
დერმატოლოგები რეკომენდაციას აღარ უწევენ მრავალსაფეხურიან რუტინებს, მსუყე ზეთებსა და ეთერზეთებსა და პარფიუმით გაჯერებულ და სხვა მსგავს პროდუქტებს და პაციენტებს მარტივი ინგრედიენტებისგან შემდგარი და მცირე რაოდენობის პროდუქტების გამოყენებისკენ მოუწოდებენ, შესაბამისად აქტიურ ნივთიერებებზე დაფუძნებული თავის მოვლის საშუალებები უფრო პოპულარული ხდება.
ახალი ბრენდები კი, რომლებიც უკვე ამგვარად იწყებენ პოზიციონირებას, სწრაფად ხვდებიან გაყიდვების ლიდერთა შორის და მათ შორის არის Revolution-ი, რომლის მარტივმა ფორმულებმა სწრაფად მოიგო კანის მოვლის ენთუზიასტთა გული. ის 2019 წელს Sunday Times-მა ის 100 ყველაზე სწრაფად მზარდ Beuaty ბრენდს შორის დაასახელა.
ბრენდის დამფუძნებელმა, ადამ მინტომ, რომელიც 29 წლის განმავლობაში მუშაობდა ისეთ გიგანტურ და აღიარებულ კომპანიაში, როგორიცაა Anastasia Beverly Hills, Max Factor, MAC Cosmetics, სწრაფად დაინახა მომხმარებლის მოთხოვნა, ხელმისაწვდომობა ჰქონდეს მაღალი ხარისხის დერმატოლოგიურ კოსმეტიკაზე, დიდი დანახარჯების გარეშე.
Revolition Skincare London-ის კონცეფცია ეფუძნება თანასწორობის იდეას, დაცლილია სიძულვილისა და სისასტიკისგან, შესაბამისად, არ იტესტება ცხოველებზე, მის თითოეულ პროდუქტი მთავარი, წამყვანი ინგრედიენტით არის წარმოებული, რაც მომხმარებელს არჩევანის გაკეთებას უადვილებს და უჩენს სწორ მოლოდინებს და რაც მთავარია, ხელმისაწვდომია.
რატომ გახდა Revolution Skincare კანის მოვლის ენთუზიასტების ფავორიტი ბრენდი?
- აქვს დერმატოლოგებისგან რეკომენდებული ინგრედიენტების მქონე შემადგენლობა;
- არის ხელმისაწვდომი;
- ეფუძნება პოზიტიურ მიდგომას კანის მდგომარეობასთან და ზოგადად, გარეგნობასთან დაკავშირებით და თავისი საინფორმაციო კამპანიით ცდილობს დაგვიბრუნოს ის დრო, როცა არ ვიყავით ფილტრების მსხვერპლი, უბრალოდ ვიღიმებოდით კამერაში და არ ვცდილობდით ნაკლის დამალვას;
- გვიჩენს რეალურ მოლოდინებს, გვაწვდის სწორ ინფორმაციას და არ გვპირდება არარსებულ, მიუღწევად შედეგებს, რისკენ სწრაფვაც ბევრი ჩვენგანისთვის საკმაოდ სტრესულია, რადგან გვიჩენს განცდას, რომ არასდროს გამოვიყურებით საკმარისად კარგად...
ინგრედიენტი, რომელსაც სუპერვარსკვლავს უწოდებენ და მოლოდინი, რომელიც მისგან უნდა გვქონდეს:
რეტინოლი ერთ-ერთი ყველაზე პოპულარული აქტიური ინგრედიენტია, რომელსაც თავისი მრავალმხრივი მოქმედების გამო სუპერვარსკვლავსაც უწოდებენ. ის არის A ვიტამინის წარმოებული პროდუქტი, რომელიც სხვადასხვა სახელწოდებით არსებობს და კანის მდგომარეობის მიხედვით დერმატოლოგის მიერ ინიშნება. რეტინოლის პირველადი დანიშნულება ეპიდერმისის გასქელებაა, რაც კანის ზედა ნაწილის სისქის მომატებას ნიშნავს. შედეგისთვის საჭიროა მისი რეგულარულად გამოყენება მინიმუმ რვა კვირის განმავლობაში, ზოგიერთ შემთხვევაში კი სასურველი შედეგის მისაღებად ერთი წელია საჭირო.
რეტინოლის შესაძლებლობები:
- ამკვრივებს რქოვანას, რაც კანს მზის მავნე ზემოქმედებისგან იცავს. რაც უფრო სქელია რქოვანა, მით უფრო ეფექტურად უმკლავდება UV და UVA გამოსხივებას;
- ამცირებს წვრილი ნაოჭების რაოდენობას, ჰიპერპიგმენტაციას, კანი უფრო გლუვი და ერთგვაროვანი ხდება;
- ამცირებს კომედონების, პაპულების, პუსტულების და სხვა სახის გამონაყარის რაოდენობას, არეგულირებს ცხიმიანობას და ხელს უშლის ახალი ანთებითი კერების გაჩენას;
- ხელს უწყობს კანის ახალი უჯრედების წარმოქმნას და დაზიანებული უბნების აღდგენას.
Revolution Skincare რეტინოლით კონცენტრირებული თავის მოვლის საშუალებების ფართო ასორტიმენტით არის წარმოდგენილი, მათ შორის უკვე საქართველოშიც, ჯპს-ის ქსელში, იქნება ეს ღამის დამატენიანებელი საცხი, თვალის საცხი თუ შრატი. ნებისმიერი მათგანის გამოყენების შემთხვევაში, ნებისმიერ ამინდსა და სეზონზე რეკომენტებულია, მზისგან თავი მინიმუმ Spf 30-იანი საშუალებით დავიცვათ, რომელიც ასევე ხელმისაწვდომია ბრენდის თავის მოვლის ხაზში.
აღსანიშნავია, რომ 12 ივლისს შედგა საქართველოში Revolution Skincare London-ის პრეზენტაცია, რომელზეც ჯპს-ის სილამაზის კატეგორიის ხელმძღვანელმა დიანა ოქროპირიძემ ბრენდის კონცეფციასა და მისი ძირითად პროდუქციაზე ისაუბრა. აღნიშნული თავის მოვლის საშუალებები უკვე ჯპს-ის სააფთიაქო ქსელებშია წარმოდგენილი.
R
