27 წლის ბრიტანელი გოგონა სიცილით კინაღამ მოკვდა
გოგონას განცხადებით, ბავშვობიდან აღენიშნება პოხიერი უჯრედების აქტივაციის სინდრომი. „ძლიერ ემოციებზე მაქვს ალერგია. ჩემი სხეულის ნებისმიერმა ცვლილებამ - სიცილმა, ტირილმა, მხიარულებამ ან სტრესმა - შეიძლება გამოიწვიოს ქიმიური რეაქცია“- განმარტავს ბრიტანელი.
კოუტსიმ გაიხსენა, სიცილის შედეგად როგორ განუვითარდა ალერგიული რეაქცია, რომელიც შეიძლებოდა ფატალურად დამთავრებულიყო. ხანგრძლივი სიცილის შემდეგ გოგონას დაეწყო კვინკეს შეშუპება.
„ძლიერი სიცილის შედეგად გამისივდა ენა და ყელი, ერთმა ადამიანმა გამოიძახა სასწრაფო დახმარება, მეორე დამეხმარა ეპინეფრინის გაკეთებაში, რომ არ გავგუდულიყავი“- წერს გოგონა.