ბადრიჯანში შემავალი ნივთიერება სიმსივნურ უჯრედებს კლავს
ის ერთდროულად რამდენიმე დაავადებისგანგვიცავს. ბადრიჯანი შეიცავს დიდი რაოდენობით ანტიოქსიდანტებს, ნივთიერებებს, რომლებიც ორგანიზმს თავისუფალი რადიკალებისგან იცავს. ეს უკანასკნელი ქსოვილთა უჯრედების სტრუქტურას არღვევს, აჩქარებს დაბერების პროცესს და ასტიმულირებს ონკოლოგიურ ძვრებს.
მეცნიერული კვლევებით დადასტურებულია, რომ ბადრიჯანში შემავალი ნივთიერება SRG კლავს სიმსივნურ უჯრედებს, აქვეითებს ქოლესტერინის დონეს სისხლში, აფერხებს გულ-სისხლძარღვთა დაავადებების განვითარებას.
ბადრიჯანს დღეგრძელობის ბოსტნეულს უწოდებენ, რადგან გულ-სისხლძარღვთა სისტემის ფუნქციობაში მისი დადებითი როლი განსაკუთრებულად გამორჩეულია.
ბადრიჯანი მდიდარია უჯრედისით, პექტინითა და ცილებით. ბევრ სასარგებლო ნივთიერებასთან ერთად მასში შედის კალიუმი, კალციუმი, ფოსფორი, რკინა, მაგნიუმი, ნატრიუმი, ვიტამინები - C, B1, B2, B5, PP.
ნიკოტინის მჟავას, იგივე PP ვიტამინის უხვად შემცველობის გამო ბადრიჯანი აუცილებლად უნდა მიირთვან მათ, ვისაც მოწევის უკუგდება სურს. აღნიშნული ვიტამინის დახმარებით ორგანიზმი ადვილად უმკლავდება მოწევაზე უარის თქმის შემთხვევაში განვითარებულ ძვრებს.