მეცნიერებმა კიბოს ამომცნობ მოლეკულას მიაგნეს
აღნიშნული მოლეკულა არის ნახშირწყლის ამომცნობი ცილა, რომელიც გამოყვეს ზღვის მოლუსკის Modiolus kurilensis ჰემოლიმფიდან. მოლუსკის სხეულში ის პასუხისმგებელია იმუნურ სისტემაზე. სპეციალისტებმა გამოიყენეს ცილის გამოყოფის სპეციალურად შემუშავებული სქემა, რომელიც შედგება მხოლოდ ორი ეტაპისაგან და მოიცავს სპეციფიკურ ნახშირწყლებთან აფინურ ქრომატოგრაფიას. როგორც აზუსტებენ, ამ მოლეკულას შეუძლია რამდენიმე სახეობის კიბოს უჯრედის ამოცნობა, ასევე მათზე ზემოქმედება.
მეცნიერები ფიქრობენ, რომ სამომავლოდ ამ აღმოჩენას გამოიყენებენ კიბოს დიაგნოსტიკისა და თერაპიის ახალი მეთოდების შემუშავებაში. ონკოლოგიური სამკურნალო საშუალებების ჯანმრთელ უჯრედებზე მავნე ზემოქმედების შემცირების წყალობით მკურნალობა შეიძლება გახდეს უფრო უსაფრთხო და ეფექტური.