ვიაგრას გამოყენების ახალი მეთოდი
მის გამოყენებას გეგმავენ კვებითი ქცევის იშვიათი, მძიმე დაავადებით – მეგაეზოფაგუსით (დიდი საყლაპავით) – დაავადებული ძაღლების სამკურნალოდ.
ეს დაავადება გამოიხატება საყლაპავის გაფართოებაში, რის შედეგადაც საკვები კუჭში ვეღარ გადაადგილდება, რაც განაპირობებს საკვების მიგრაციას საყლაპავში. მკურნალობის არარსებობისას ძაღლი ამოაქაფებს საკვებს, ის ხვდება ფილტვებში და იწვევს ასპირაციულ პნევმონიას. ასეთ შემთხვევაში ცხოველი ან ფილტვების ანთებით კვდება, ან ევთანაზიას ექვემდებარება დიანგოზის დასმიდან 8 თვის განმავლობაში.
სამეცნიერო შრომის დროს მკვლევრებს ცხოველებში შეჰყავდათ თხევადი სილდენაფილი, რამაც გამოიწვია დადებითი ეფექტი: პრეპარატის მიღების შემდეგ 10-დან 9 ძაღლს დაუქვეითდა რეგურგიტაცია 2 კვირის განმავლობაში. ასეთი შედეგების მიღწევა შესაძლებელი გახდა ძაღლების ორგანიზმზე სილდენაფილის მოქმედების წყალობით: ის ადუნებს ნაწლავის გლუვ კუნთებს. ამას გარდა, ეს მედიკამენტი არ იწვევს გვერდით ეფექტებს.
როგორც სპეციალისტები ფიქრობენ, ეს კვლევა შეცვლის ბევრი ძაღლის ცხოვრებას და მეგაეზოფაგუსის მქონე ცხოველებისათვის მკურნალობის ახალი მეთოდების გამოყენების საშუალება იქნება.