ბელის დამბლის სიმპტომები - რატომ ვითარდება სახის ერთი ნახევრის დამბლა
იგი აკონტროლებს სახის კუნთების შეკუმშვას, ასტიმულირებს სანერწყვე და საცრემლე ჯირკვლებს და უზრუნველყოფს გემოვნების შეგრძნებას ენის წინა ნაწილზე. ადამიანების უმეტესობას 3-6 თვის განმავლობაში შეუძლიათ სრულიად გამოჯანმრთელება.
სიმპტომები
ტკივილი ყურის უკან შესაძლოა პირველი სიმპტომი იყოს. იგი ზოგჯერ სახის კუნთების სისუსტემდე რამდენიმე საათით ან 1-2 დღით ადრე ვითარდება. თავად სისუსტე უეცრად ვლინდება, ზოგჯერ მსუბუქი, ზოგჯერ კი სრული დამბლა ვითარდება. სისუსტე მაქსიმალურ სიძლიერეს 48 საათში აღწევს და მხოლოდ ცალ მხარეს ვლინდება.
სახე უემოციო და გაყინული ხდება. თუმცა, ადამიანს ისეთი შეგრძნება აქვს, თითქოს სახე მოღრეცილი აქვს, რადგან დაუზიანებელი მხარის კუნთები ყოველი მიმიკის დროს დაზიანებულ ნახევარს თავისკენ ქაჩავს.
შუბლის შეჭმუხვნა, თვალის დახამხამება ან რაიმე გამომეტყველების მიღება რთული ან შეუძლებელი ხდება. პაციენტთა უმრავლესობაში სახის დაბუჟების ან სიმძიმის შეგრძნებაც ვლინდება, თუმცა მგრძნობელობა მოშლილი არ არის. რთულია თვალის დახუჭვა დაზიანების მხარეს – იგი ზოგჯერ ბოლომდე არც იხუჭება ან ხამხამი იშვიათდება. ასევე, დახუჭული თვალი ზევით ტრიალდება ხოლმე.
სხვა სიმპტომები:
- მთავარი სიმპტომია სახის ერთი მხარის სისუსტე ან დამბლა.
- ქუთუთოების დაწევა ან ერთი თვალის დახუჭვის გაძნელება
- ადამიანებს უჭირთ ღიმილი
- უჭირთ ჭამა და დალევა
- აღინიშნება ნერწყვდენის გაძნელება
- გემოვნების დაკარგვა