თავის ტვინის სიმსივნის სიმპტომები და რისკ-ფაქტორები
სიმსივნის ხარისხები და ტიპები დამოკიდებულია ამ უჯრედთა ზრდასა და განვითარებაზე. ზოგადად, პირველი და მეორე ხარისხის სიმსივნე დაბალი ხარისხისაა, მისი მკურნალობაც, შედარებით, მარტივია. ხოლო მესამე და მეოთხე ტიპის სიმსივნეები უკვე მაღალი ხარისხის სიმსივნეთა ჯგუფს განეკუთვნება.
თავის ტვინის სიმსივნის სიმპტომები
თავის ტვინის სიმსივნის სიმპტომები განსხვავდება სიმსივნის ხარისხისა და ტიპის მიხედვით. თუმცა ზოგადი, საერთო სიმპტომებია:
- თავის ტკივილი
- კრუნჩხვები
- მუდმივი სისუსტე
- ღებინება
- ძილიანობა
- გონებრივი ან ქცევითი ცვლილებები, როგორიცაა მეხსიერების პრობლემები ან პიროვნების ხასიათის ცვლილებები
- პროგრესირებადი სისუსტე ან დამბლა სხეულის ერთ მხარეს
- მხედველობის ან მეტყველების პრობლემები
- სმენის პრობლემები
- საუბრის პრობლემები
- წონასწორობის შენარჩუნების პრობლემები
- დაბნეულობა ყოველდღიურ, ელემენტარულ საკითხებში
ზოგჯერ შეიძლება არ გქონდეთ რაიმე სიმპტომები, ან შეიძლება დროთა განმავლობაში ნელ-ნელა განვითარდეს.მაგრამ თუ ზემოთ ჩამოთვლილი ნიშნები თქვენთვის ნაცნობია, აუცილებლად დაუკავშირდით ექიმს.
რისკ-ფაქტორები
თავის ტვინის პირველადი სიმსივნის შემთხვევაში, მიზეზები ხშირად არ არის ნათელი, თუმცა ექიმები გამოყოფენ რამდენიმე ფაქტორს, რომელმაც შესაძლოა გაზარდოს რისკი.
- ასაკი - ტვინის სიმსივნის რისკი იზრდება ასაკის მატებასთან ერთად.
- რადიაციული გამოსხივება - ადამიანები, რომლებიც არიან რაიმე იონიზირებული რადიაციული გამოსხივების ქვეშ, მაღალი რისკის ჯგუფში არიან. იონიზირებულ რადიაციას ასხივებს რადიაციული თერაპიის აპარატი, რომელიც გამოიყენება სიმსივნის სამკურნალოდ. ასევე იგი არის დიდი რაოდენობით ატომურ იარაღში.
- გამოსხივების უფრო გავრცელებული ფორმა, ელექტრომაგნიტური ველი, გვხვდება ელექტროგადამცემ ხაზებში, მობილურ ტელეფონებში, მიკროტალღურ ღუმელში, თუმცა არ არის დამტკიცებული, რომ ისინი იწვევს თავის ტვინის სიმსივნეს.
- ოჯახის ისტორია თავის ტვინის სიმსივნესთან დაკავშირებით - ზოგჯერ სიმსივნის უბანი გამოვლინდება ადამიანებში, რომლის ოჯახშიც არსებობს სიმსივნური ისტორიები. გენეტიკური სინდრომი ტვინის სიმსივნის ყურადსაღები რისკ-ფაქტორია.
