კომპანია ,,თბილისი მედიკ-ს’’ ახალი აღმასრულებელი დირექტორი ჰყავს
პოზიცია დავით ქვლივიძემ დაიკავა.
თბილისი მედიკი საქართველოში სამედიცინო პროდუქციის ფართო ასორტიმენტის დისტრიბუციას უკვე 11 წელზე მეტია ახორციელებს. კომპანიის მიმართულებებია სამედიცინო აპარატურა და ავეჯი, მაღლტექნოლოგიური აპარატურა, პაციენტის მოვლის საშუალებები, ლაბორატორიული პროდუქცია და სახარჯი მასალები.
ახალ აღმასრულებელ დირექტორს სამედიცინო წრეებში კარგად იცნობენ, ქვლივიძე თბილისი მედიკის ერთერთი დამფუძნებელია და მისი მრავალწლიანი სამუშაო გამოცდილებაც სწორედ სამედიცინო სფეროს უკავშირდება. სხვადსხვა პერიოდში იგი იკავებდა მენეჯერულ პოზიციებს ქართულ სამედიცინო ბაზარზე მოღვაწე კომპანიებში.
,,მიუხედავად სამედიცინო სფეროსთან მჭიდრო კავშირისა, ახალ პოზიციას შევაფასებდი როგორც ცხოვრებისეულ და კარიერულ გამოწვევას. თბილისი მედიკის მისია- გაუმარტივოს ადამიანებს ჯანმრთელობაზე ზრუნვა, თავისთავად უდიდეს პასუხისმგებლობას გულისხმობს და მეც, ამ პასუხისმგებლობას ახალ ამპლუაში გავიზიარებ. მჯერა, რომ ჩვენი კომპანიის წარმატებული საქმიანობის ერთერთი მთავარი საფუძველი ყოველთვის იყო და იქნება კორპორატიულ, თუ საცალო მომხმარებლებთან ჯანსაღი კომუნიკაცია, მათ საჭიროებებზე მაქსიმალურად მორგებული თანამშრომლობის პირობები და თითოეული მედიკელის მუდმივი შრომა განვითარებისათვის’’- განაცხადა მკურნალთან საუბრისას დავით ქვლივიძემ.
დღეისათვის თბილისი მედიკი წარმოდგენილია ორი ფილიალით დედაქალაქში და შვილობილი ბრენდებით ( ,,ბათუმი მედიკ’’, ქუთასი მედიკ’’) რეგიონებში. სამედიცინო პროდუქციის მწარმოებელ ამერიკულ, ევროპულ და აზიურ ბრენდებთან თანამშრომლობით , თანამედროვე და მაღალტექნოლოგიურ სერვისებთან თუ პროდუქციასთან უწყვეტი წვდომით, თბილისი მედიკი ხელს უწყობს სამედიცინო სფეროს განვითარებას საქართველოში .
კომპანია საქართველოში ოფიციალურად და ექსკლუზიურად წარმოადგენს ისეთ ბრენდებს, როგორებიცაა მაგალითად : გლობალური ბრენდები Johnson & Johnson და Bausch and Lomb, Ortho-clinical Diagnostic და ASP -აშშ, იაპონური ბრენდი Nidek, ჩინური ბრენდები Mindray და SonoScape, თურქული ბრენდი Turmed და სხვა.
სადისტრიბუციო საქმიანობასთან ერთად, აღსანიშნავია თბილისი მედიკის ექსკლუზიური, საინჟინრო მომსახურების სერვისი, რომლის ფარგლებშიც უზრუნველყოფილია პარტნიორების დროული და ეფექტური ტექნიკური მხარდაჭერა.
R