რითია ძაღლი ბავშვის ჯანმრთელობისთვის სასარგებლო
აღნიშნული დაავადება წარმოადგენს ნაწლავის გავრცელებულ ანთებით დაავადებას. ეს კავშირი აღმოაჩინეს ტორონტოს უნივერსიტეტის მეცნიერებმა.
მეცნიერებმა მოახდინეს 4300 ადამიანის ანკეტირება. ისინი წარმოადგენდნენ კრონით დაავადებული პაციენტების ნათესავებს. მეცნიერებმა აღნიშნული ანკეტირება ჩაატარეს დაავადების რისკებზე მოქმედი გარემო ფაქტორების გამოსავლენად. პოტენციურად მას მიეკუთვნება: ოჯახის სულოვნება, სახლში ძაღლის და კატის არსებობა, სააბაზანო ოთახის რაოდენობა, სოფელში ცხოვრება, არაპასტერიზებული რძის და წყაროს წყლის მოხმარება.
აღმოჩნდა, რომ თუ ბავშვი, 5-15 წლის ასაკში, ცხოვრობს ოჯახში, სადაც ჰყავთ ძაღლი, მას დიდი ალბათობით აქვს ნაწლავის ჯანსაღი მიკრობული ბალანსი და ძლიერი იმუნიტეტი, რაც ეხმარება კრონის დაავადებისგან დაცვაში. ოჯახებში, სადაც კატა ჰყავდათ, ასეთი კავშირი არ გამოვლენილა, რაც იმით აიხსნება, რომ ძაღლის პატრონები უფრო ხშირად გამოდიან ქუჩაში ან ცხოვრობენ მწვანე ნარგავებიან რაიონებში. სახლთან პარკების არსებობა, ამცირებს კრონის დაავადების რისკს.
მეორე დამცველობითი ფაქტორი აღმოჩნდა ოჯახის სამ ან მეტ წევრთან ერთად ცხოვრება სიცოცხლის პირველ წელს, რაც მოქმედებს მიკრობიომის შემადგენლობაზე უფრო გვიან ასაკში. ნაწლავის მიკრობიომი მნიშვნელოვან როლს ასრულებს რიგი დაავადებების, მათ შორის ნაწლავის ანთების, კოლორექტალური კიბოსა და დიაბეტის განვითარებაში.