რა კავშირშია გაცხიმოვნებასთან D ვიტამინი?
D ვიტამინის დეფიციტისას ფერხდება განვითარების პროცესი, ძვლოვანი ქსოვილის ზრდა და შეხორცება, ვითარდება დაავადება - რაქიტი.
ხანდაზმული ასაკის ქალებისა და ბავშვების ორგანიზმზე D ვიტამინის ზეგავლენის შესწავლისას გაირკვა, რომ სხეულის გაცხიმოვნება მჭიდროდ უკავშირდება აღნიშნული ვიტამინის დაბალ შემცველობას.
კვლევები ამ კუთხით გრძელდება, ბევრი ექსპერტი ჯერჯერობით ვერ აცხადებს გადაჭრით იმას, რომ სიმსუქნის განვითარების მიზეზი D ვიტამინის დეფიციტია, თუმცა, ის უდავოა, რომ ჯანსაღი დიეტა, სისხლში გლუკოზის კონტროლი და სუფთა ჰაერზე გატარებული დრო მნიშვნელოვან როლს თამაშობს სხეულის მასის კონტროლში.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
D ვიტამინის მიღება ეხმარება სისხლში გლუკოზის დონის კონტროლსა და ინსულინისადმი რეზისტენტობის დაქვეითებას შაქრიანი დიაბეტით დაავადებულებთან.
სხვა მნიშვნელოვანი ვიტამინებისაგან განსხვავებით ადამიანის ორგანიზმს შეუძლია D ვიტამინის გამომუშავება მზის სხივების ზემოქმედებით. მზის უსაფრთხო ზემოქმედება D ვიტამინის მარაგის შევსების ყველაზე სწრაფი საშუალებაა!
