ბრაზილიის სოფელში მსოფლიოში ყველაზე ხანდაზმული ადამიანი აღმოაჩინეს
დღეგრძელ ადამიანზე ყურადღება გაამახვილეს მასთან ჯანმრთელობის მდგომარეობის გაუარესების გამო გამოძახებულმა ექიმებმა. დაბადების მოწმობის თანახმად, ის დაბადებულია 1900 წლის 16 ივნისს ბრაზილიის სოფელში ბელა-ვისტა. თუ დოკუმენტი სწორია, ქალბატონი 121 წლის გამოდის.
დუშ რეი მწოლიარე მდგომარეობაშია. მისი ყველა შვილი გარდაცვლილია, ამიტომ მას შვილიშვილი სელია უვლის. დღეგრძელ ქალბატონს ჰყავს 13 შვილთაშვილი და 6 შვილთაშვილის შვილი. ოჯახი იმედოვნებს, რომ ის შვილთაშვილის შვილიშვილს მოესწრება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სელიას განცხადებით, ბებია მხნედ და ჯანსაღად გრძნობდა თავს. 8 წლის წინ, ვიდრე ლოგინად ჩავარდებოდა, ის ზრუნავდა ყველაზე, ამზადებდა საჭმელს რეცხავდა და ალაგებდა, აღზარდა შვილიშვილები და შვილთაშვილები.
გინესის რეკორედების წიგნის მიხედვით, ყველaზე ხანდაზმულ ადამიანად მსოფლიოში მიჩნეულია 118 წლის ფრანგი მონაზონი ლუსილ რენდონი, რომელმაც ეს ტიტული მიიღო იაპონელი 119 წლისა და 107 დღის კანე ტანაკას გარდაცვალების შემდეგ.
