20 წლის შვეიცარელმა ყმაწვილმა ფილტვები უჩვეულო ვითარებაში დაიზიანა
20 წლის ყმაწვილი გადაუდებელი დახმარების განყოფილებაში შემოვიდა ჩივილებით: მძიმე ქოშინი და გულ-მკერდის მიდამოში ტკივილი. ახალგაზრდას გადმოცემით, ეს სიმპტომები უეცრად განუვითარდა მასტურბაციის დროს. გასინჯვისას, ექიმებმა შეამჩნიეს, რომ პაციენტს სახე ჰქონდა შეშუპებული, მოსმენით ისმინებოდა დამახასიათებელი ხმა, რომელიც ვრცელდებოდა ქვედა ყბიდან ქვევით, კისრის გასწვრივ, ორივე ლავიწის ძვლის სახსრამდე.
რენტგენოლოგიური კვლევითა და კომპიუტერული ტომოგრაფიის საშუალებით დაისვა დიაგნოზი- „სპონტანური პნევმომედიასტინუმი, თანმხლები კანქვეშა ემფიზემით“. გაურკვეველი მიზეზებით, პაციენტის ფილტვებიდან ან სასუნთქი გზებიდან დიდი რაოდენობით ჰაერი მოხვდა შუასაყარის რბილ ქსოვილებში და კანქვეშ, გავრცელდა სხეულის ზედა ნაწილში და მიაღწია თითქმის ქალაფუძემდე.
ხშირად მსგავსი მდგომარეობა გვხვდება ახალგაზრდა მამაკაცებში. ეს შეიძლება უკავშირდებოდეს ტრავმას ან ძლიერ ფიზიკურ გადაძაბვას. აქამდე სამედიცინო ლიტერატურაში აღწერილია სექსის დროს განვითარებული სპონტანური პნევმომედიასტინუმის 12 შემთხვევა. თუმცა ეს მასტურბაციის დროს, პირველი მსგავსი შემთხვევაა.
ახალგაზრდა მამაკაცი მოათავსეს რეანიმაციის განყოფილებაში, სადაც მიეწოდებოდა ჟანგბადი. გულმკერდში და კანქვეშ დაგროვებული ჰაერი ნელნელა იწოვებოდა, მაგრამ ტკივილი სამი დღის განმავლობაში გრძელდებოდა. მეოთხე დღეს პაციენტი უკეთ გახდა და გაეწერა სახლში.