News
ამერიკელმა მეცნიერებმა დაადგინეს, რომ ყავა, განურჩევლად იმისა, კოფეინიანია თუ უკოფეინო, ამცირებს პროსტატის კიბოს განვითარების რისკს. ბოსტონის ლაბორატორიის თანამშრომლებს მიაჩნიათ, რომ ყავა დადებით გავლენას ახდენს ინსულინის, გლუკოზისა და სასქესო ჰორმონების მეტაბოლიზმზე. მათ შეისწავლეს 50 ათასზე მეტი იმ მამაკაცის მონაცემები, რომელთაც 1986-2006 წლებში პროსტასტის კიბოს დიაგნოზი დაუსვეს. გაირკვა, რომ ყავის მოყვარულებს შორის პროსტატის კიბოს აგრესიული და ლეტალური ფორმები გაცილებით იშვიათი იყო.
წინამდებარე ჯირკვლის კიბოს განვითარების ყველაზე ნაკლები ალბათობა კი არამწეველ ყავის მოყვარულებს აღმოაჩნდათ. "მართალია, ამ გამოკვლევის საფუძველზე ვერ მოვუწოდებთ მამაკაცებს, მეტი ყავა სვან, მაგრამ იმის თქმა კი ნამდვილად შეგვიძლია, რომ არ არსებობს საფუძველი, ძლიერმა სქესმა ყავის სმაზე უარი თქვას", - განაცხადეს მეცნიერებმა.
პროსტატის კიბოს საწინააღმდეგო ვაქცინა
აშშ-ის სურსათისა და მედიკამენტების ადმინისტრაციამ მოიწონა ვაქცინა Pროვენგე, რომელიც წინამდებარე ჯირკვლის კიბოს გვიანი სტადიის სამკურნალოდ არის შექმნილი. კომპანია Dendreon-ის მიერ შემუშავებული ვაქცინა, რომელიც კიბოს უჯრედებისთვის დამახასიათებელ კომბინირებულ ცილას შეიცავს, სიმსივნესა და მის მეტასტაზებზე იმუნური სისტემის შეტევის სტიმულაციას ახდენს, თუმცა, მოლოდინის საწინააღმდეგოდ, კლინიკური გამოცდის დროს პრეპარატმა არამცთუ ამ ავთვისებიანი დაავადების უკანასკნელ სტადიაზე შეჩერება, მისი განვითარების საგრძნობლად შენელებაც კი ვერ შეძლო.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მკურნალობის ერთადერთი დადებითი შედეგი ავადმყოფთა სიცოცხლის ხანგრძლივობის გაზრდა აღმოჩნდა - პაციენტები, რომელთაც საცდელი პრეპარატის ინექციას უკეთებდნენ, სხვებზე 4-5 თვით მეტხანს ცოცხლობდნენ. კლინიკური გამოცდის პირველ ფაზაში 127 ადამიანი მონაწილეობდა. სამომავლოდ ფართომასშტაბიანი კვლევა იგეგმება. ჯერჯერობით კი აშშ-ის სურსათისა და მედიკამენტების ადმინისტრაციის ექსპერტებმა პრეპარატის ეფექტურობა და უსაფრთხოება აღიარეს.
მწეველები - იმპოტენციის რისკჯგუფი
ბრიტანეთის ხელისუფლებამ ნიკოტინის საწინააღმდეგო კამპანია წამოიწყო. აქცენტი იმაზე კეთდება, რომ სიგარეტი უარყოფით გავლენას ახდენს სქესობრივ პოტენციაზე. კერძოდ, მწეველ მამაკაცებს ერექციული დისფუნქცია ემუქრებათ, ხოლო მწეველ ქალებს - სექსუალური მიმზიდველობის დაკარგვა.
კამპანია უპირველეს ყოვლისა ახალგაზრდა ბრიტანელებზეა გათვლილი. ქუჩები ნიკოტინის საწინააღმდეგო პლაკატებით არის აჭრელებული, რომლებიც მწეველ ქალებს ნაადრევი დაავადების შესახებ აფრთხილებენ, თან შეახსენებენ, რომ მწეველს პირიდან საშინელი სუნი ამოსდის, მამაკაცებს კი სთავაზობენ ალეგორიულ ნახატს, სადაც მათ სასქესო ორგანოს ნახევრად მოწეული სიგარეტი უცვლის.
ბრიტანეთის ჯანდაცვის სამინისტროს აზრით, სქესობრივ სფეროზე სიგარეტის მავნე გავლენის აქცენტირება ისეთ ძლიერ გავლენას მოახდენს ახალგაზრდებზე, რომ ისინი უმალვე დაანებებენ თავს ამ მავნე ჩვევას.
ორდღიანი თავშეკავება სპერმის ხარისხს ვერ გააუმჯობესებს
ბეერ-შევას უნივერსიტეტის სამედიცინო ცენტრის მეცნიერებმა დაადგინეს, რომ მამაკაცებისთვის, რომელთა უშვილობა სპერმატოზოიდების კონცენტრაციის ნაკლებობით არის გამოწვეული, რეკომენდებულია სქესობრივი კონტაქტისგან მხოლოდ ერთი დღით თავშეკავება - ეს სპერმატოზოიდების კონცენტრაციას ზრდის, უფრო ხანგრძლივი შესვენება კი სპერმის ხარისხს აუარესებს. თავშეკავების მეორე დღიდან უნაყოფობის პრობლემის მქონე პაციენტის სპერმაში დეგენერაციული პროცესები იწყება.
აღმოჩნდა, რომ უნაყოფობასთან მებრძოლი კლინიკების უმრავლესობა ეყრდნობა ჯანდაცვის მსოფლიო ორგანიზაციის რეკომენდაციას, რომლის მიხედვითაც მამაკაცმა, რომელსაც ბავშვის ჩასახვა სურს, სქესობრივი ცხოვრებისგან თავი 2-7 დღე მაინც უნდა შეიკავოს. 6008 მამაკაცის სპერმის ნიმუშების შესწავლამ კი აჩვენა, რომ სპერმატოზოიდების კონცენტრაცია პიკს აღწევს ერთდღიანი, მაქსიმუმ ორდღიანი თავშეკავების ბოლოს. მომდევნო დღეებში სპერმის ხარისხი მხოლოდ უარესდება. ეს არ ეხება მამაკაცებს, რომელთაც სპერმოგრამის ნორმალური მაჩვენებლები აქვთ - მათ სპერმაში სპერმატოზოიდების განაყოფიერებისთვის საკმარისი კონცენტრაცია ერთკვირიანი თავშეკავების შემდეგაც რჩება.
