მოზარდები, რომლებიც თამბაქოს ეტანებიან, მომავალში დეპრესიისკენ არიან მიდრეკილნი
ფლორიდის უნივერსიტეტში დაადგინეს, რომ ის, ვინც მოზარდ ასაკში თამბაქოს ეტანება, მომავალში დეპრესიისკენ უფრო მეტად არის მიდრეკილი.
ვირთხებზე ჩატარებულმა ცდებმა აჩვენა, რომ ნიკოტინი ახალგაზრდა მღრღნელებს დეპრესიულ მდგომარეობაში აგდებს და სიცოცხლის ხალისს აკარგვინებს.ზრდასთან ერთად ეს თაგვები სტრესის მიმართ უფრო მგრძნობიარენი ხდებიან და არასტაბილური ქცე-ვით გამოირჩევიან. მეტიც - აღმოჩნდა, რომ ნიკოტინის ერთჯერადი მოქმედებაც კი მრავალწლიან ეფექტს იწვევს.
ახალგაზრდობისას მიღებული ნიკოტინის გამო დეპრესიაში ჩავარდნილი ვირთხები მეც-ნიერებმა ნორმალური ცხოვრების რიტმს ანტიდეპრესანტების მეშვეობით დაუბრუნეს. საინტერესოა, რომ ვირთხები, რომლებსაც ნიკოტინი ზრდასრულ ასაკში მისცეს, ამ პრობლემის პირისპირ არ დამდგარან.
კვლევის ავტორთა აზრით, ექსპერიმენტი ადასტურებს, რომ ნიკოტინი როგორღაც ახერხებს, ძლი-ერი და ხანგრძლივი გავლენა მოახდინოს ახალგაზრდა თავის ტვინის განვითარებაზე, თუმცა ამ გავლენის მექანიზმი ჯერ კიდევ გასარკვევია.