სპეციალისტებმა ელექტრონული ვეიპების კიდევ ერთი მავნე შედეგი აღწერეს
მეცნიერებმა გამოავლინეს, რომ ვეიპინგი ხელს უწყობს ტიპი 2 დიაბეტის განვითარებას. აღნიშნული კვლევა გამოქვეყნდა ჟუნრალში American Journal of Preventive Medicine.
მეცნიერებმა გაანალიზეს 600 000 ადამიანის მონაცემი. მათგან 9%-მა განაცხადა, რომ აქტიურად იყენებდა ელექტრონულ სიგარეტებს და აღენიშნებოდათ პრედიაბეტის სიმპტომები. ტიპი 2 დიაბეტის განვითარების რისკი ვეიპების მწეველებში საშუალოდ 1,54-ჯერ მაღალი იყო, მათთან შედარებით, ვინც ნიკოტინს ამგვარი სახით არ მოიხმარდა. ამას გარდა, ელექტრონული სიგარეტების მომხმარებლებში აღინიშნებოდა ფიზიკური და მენტალური ჯანმრთელობის დაქვეითება.
სამეცნიერო კვლევის ავტორებს მიაჩნიათ, რომ ამგვარი მაჩვენებლები გამოწვეულია ნიკოტინით და მას შეუძლია გავლენა მოახდინოს ორგანიზმში ინსულინის გამომუშავებაზე.