უკრაინის ჯანდაცვის მინისტრი ბიქტორ ლიაშკო მოუწოდებს ჯანმოს, შეწყვიტოს თანამშრომლობა რუსეთთან უკრაინაზე თავდასხმის გამო.

საკუთარ ფეისბუქ-გვერდზე ლიაშკომ აღნიშნა, რომ რუსეთი უკრაინაში მშვიდობიანი მოსახლეობის და მედიკოსების წინააღმდეგ განსაკუთრებული სისასტიკითა და ცინიზმით ახორციელებს ტერორისტულ მოქმედებებს, რითაც არღვევს ყოველგვარ საერთაშორისო უფლებებს.

"რუსი ოკუპანტები ესვრიან საავადმყოფოებს, სასწრაფო დახმარების მანქანებს, ბავშვთა სახლებს და მშვიდობიან მოსახლეობას! ტერორისტთა მოქმედებების შედეგად ჩვენ ყოველდღიურად გვეღუპება მედპერსონალი პროფესიული მოვალეობის შესრულებისას - ადამიანების სიცოცხლის გადარჩენაზე ზრუნვისას", - აღნიშნა ჯანდაცვის მინისტრმა.