რა კავშირია სწრაფად სიარულსა და გულის უკმარისობის განვითარების რისკს შორის?
ამის შესახებ მათ გამოაქვეყნეს სტატია ჟურნალში Journal of the American Geriatrics Society.
მკლვევარებმა შეკრიბეს 50-79 წლის ასაკის 25 ათასი ქალის მონაცემები, რომელთა ჯანმრთელობაზე დაკვირვება საშუალოდ 17 წლის განმავლობაში მიმდინარეობდა. ამ დროის მანძილზე 1455 ქალი ჰოსპიტალიზირებული იქნა გულის უკმარისობის გამო. სიარულის საშუალო სიჩქარის მიხედით მეცნიერებმა ქალები დაყვეს სამ ჯგუფად: ნელი ტემპი (3კმ/სთ-ზე ნაკლები სიჩქარე), საშუალო (3-5კმ/სთ) და სწრაფი (5კმ/სთ-ზე მეტი). პირველ ჯგუფთან შედარებით, მეორე და მესამეს გულის უკმარისობის განვითარების რისკი 27% და 34%-ით დაბალი იყო შესაბამისად. ამასთან სწრაფი ტემპით სიარული კვირაში ერთ საათზე მეტი დროის განმავლობაში უკავშირდებოდა ასევე გულის უკმარისობის განვითარების დაბალ რისკს, ისევე როგორც კვირაში ორი საათი ნელი და საშუალო ტემპით სიარული.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მკვლევრების განცხადებით, „იმის გათვალისწინებით, რომ ადამიანები დროის უქონლობის გამო რეგულარულად ვერ ვარჯიშობენ, შედარებით ნაკლები დროის განმავლობაში სიარული ჯანმრთელობისთვის ისეთივე სასარგებლო შეიძლება აღმოჩნდეს, როგორც კვირაში 150 წუთიანი ზომიერი ფიზიკური დატვირთვა.“
გამორიცხული არაა, რომ შედეგები უკუდამოკიდებულებაზეც მეტყველებდეს. კერძოდ, ჯანსაღი გულის მქონე ადამიანებისთვის უფრო მარტივია სწრაფად გადაადგლება. თუმცა ზომიერი ფიზიკური დატვირთვის, მათ შორის სწრაფი სიარულის, სარგებელი უდავოა.
