ივანე ჩხაიძე - მოსალოდნელია, რომ დაფიქსირდეს გრიპით და კორონავირუსით ერთდროული ინფიცირება, ამ მხრივ წლევანდელი წელი შესაძლოა, გამორჩეული იყოს, ვიდრე გასული წელი - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

ივანე ჩხაიძე - მოსალოდნელია, რომ დაფიქსირდეს გრიპით და კორონავირუსით ერთდროული ინფიცირება, ამ მხრივ წლევანდელი წელი შესაძლოა, გამორჩეული იყოს, ვიდრე გასული წელი

- ამის შესახებ თსსუ-ს პროფესორმა, იმუნიზაციის ტექნიკურ მრჩეველთა ეროვნული ჯგუფის ხელმძღვანელმა, ივანე ჩხაიძემ „ინტერპრესნიუსთან“ საუბრისას განაცხადა.

როგორც ივანე ჩხაიძე განმარტავს, გრიპის ვირუსის რაოდენობის მკვეთრი მატება მოსალოდნელი არ არის.

„გრიპის და გრიპისმაგვარი შემთხვევების დეტალური მონიტორინგი საქართველოში საყრდენ ბაზებზე ხორციელდება. დაავადებათა კონტროლის ეროვნულ ცენტრს ზუსტი ინფორმაცია აქვს, თუ რა ტიპის ვირუსი ცირკულირებს ქვეყანაში, გრიპის გარდა, რა სახის ვირუსები აღინიშნება.

ის მონაცემები, რომელიც 2021-2022 წლის სეზონზეა, მიუთითებს, რომ გრიპის ლაბორატორიულად დადასტურებული შემთხვევები წელს გაცილებით მეტია, ვიდრე გასულ წელს. გასულ წელს მხოლოდ 2 შემთხვევა დაფიქსირდა, წელს კი 15 არის. თუ გავითვალისწინებთ, რომ ეს ციფრი გასულ წელზე მეტია, ისიც უნდა გავითვალისწინოთ, თუ რა ხდებოდა პანდემიამდე, რამდენი იყო საქართველოში საშუალოდ გრიპი შემთხვევა.

იაშვილის კლინიკაში, რომელიც დაავადებათა კონტროლის ეროვნული ცენტრის საყრდენ ბაზას წარმოადგენს, 2018-2019 წლის სეზონზე, მარტო 1 კვირის განმავლობაში ფიქსირდებოდა 15-20 შემთხვევა. ახლა, მთელ ქვეყანაში დაფიქსირებულია 15 შემთხვევა. საუბარი, რომ წელს საქართველოში გრიპის ეპიდემიაა და გრიპის შემთხვევებმა მკვეთრად მოიმატა არასწორია. გასულ წელთან შედარებით არის შემთხვევების მატება, რაც ადვილი ასახსნელია - გასულ წელს ზამთრის სეზონზე კარანტინი, „ლოქდაუნი“ და ნიღბების ტარების ვალდებულება და ეპიდსაწინააღმდეგო ღონისძიებები იყო, რაც გრიპის წინააღმდეგ ეფექტური აღმოჩნდა.

3 ბავშვთან არის დადასტურებული გრიპის შემთხვევა. სამივე იაშვილის კლინიკაში მკურნალობდა, აქედან ერთი ახალშობილია. სამივე ბავშვის ჯანმრთელობის მდგომარეობა დამაკმაყოფილებელია. გრიპის შემთხვევები კიდევ დაფიქსირდება იანვარშიც, ვინაიდან სტატისტიკის მიხედვით, დეკემბერ-იანვარში გრიპის და მსგავსი ვირუსული ინფექციების მატების პიკია. გრიპის სეზონი მარტის ბოლომდე გრძელდება. ჩვენ არ ველოდებით გრიპის ვირუსების მკვეთრ მატებას. მოსალოდნელია, რომ დაფიქსირდეს გრიპით და კორონავირუსით ერთდროული ინფიცირებაც, ამ მხრივ წლევანდელი წელი შესაძლოა, გამორჩეული იყოს, ვიდრე გასული წელი“,- განმარტავს ჩხაიძე.