ლალი ჩხიკვაძე

ექსპერტების უმრავლესობა ამ თერაპიას რევოლუციურს უწოდებს, რადგანაც წვეთების რეგულარული გამოყენება დაეხმარება იმ ადამიანებს, რომლებიც ასაკის გამო ახლოს ვეღარ ხედავენ და სათვალის გარეშე არ შეუძლიათ კითხვა ან კომპიუტერთან მუშაობა. მათ სთავაზობენ სათვალეს, მძიმე შემთხვევებში ქირურგიულ ოპერაციას ბროლზე, ახლა კი ამერიკელებს მესამე ალტერნატივის საშუალება აქვთ - სიმპტომური მედიკამენტური კორექცია.

FDA -ს მიერ ნებადართული თვალის წვეთები სავაჭრო დასახლებით Vuity, ავიწროებს გუგას და პაციენტი ახლოს უკეთ ხედავს. შორს მხედველობაზე პრეპარატი არ მოქმედებს.

ჩატარებული კლინიკური კვლევების შედეგებით, წვეთები მოქმედებას იწყებენ 15 წუთში, მაქსიმალურ ეფექტს აღწევს დაახლოებით ერთ საათში და ეფექტი ნარჩუნდება არა ნაკლებ 6-7 საათისა. ზოგჯერ ახლო მანძილზე მხედველობის გაუმჯობესება 10 და მეტი საათის განმავლობაში ნარჩუნდებოდა. თუმცა ამ შემთხვევაშიც მეორე დღეს, წვეთების ჩაწვეთება კვლავ ხდება საჭირო.

პრეპარატის მწარმოებლები აღნიშნავენ, რომ წვეთები ყველაზე კარგად მოქმედებს 40-55 წლის პაციენტებზე, რომელთაც მხედველობის შედარებით მსუბუქი ხარისხის დაქვეითება აღენიშნება.

გვერდითი ეფექტები - თავის ტკივილი და თვალების სიწითლე აღენიშნა კვლევის დაახლოებით ყოველ მე-20 მონაწილეს. მოხალისეები ასევე უჩიოდნენ გამოსახულების ბუნდოვანებას და გაძლიერებულ ცრემლდენას. თუმცა პრეპარატის ინსტრუქციაში აღნიშნულია, რომ წვეთების გამოყენების შემდეგ საჭესთან დაჯდომა არაა რეკომენდებული.

Vuity წვეთების მწარმოებელმა კომპანიამ უკვე გამოაცხადა, რომ მკურნალობის ერთი კურსის ღირებულება შეადგენს 79 დოლარს (პრეპარატის შეფუთვის მოცულობაა 2,5მლ და დაახლოებით ერთი თვეს ჰყოფნის). პრეპარატის მოქმედი ნივთიერება მცენარეული ალკალოიდი პილოკარპინია, რომელიც ექიმებისთვის 100 წელზე მეტი ხანია ცნობილი და ფართოდ გამოიყენება თვალის დაავადების - გლაუკომის სამკურნალოდ.

პილოკარპინის ჰიდროქლორიდის პრეპარატების გამოშვების სტანდარტული ფორმა ორი შესაძლო კონცენტრაციისაა: 1% და 2%. მწარმოებლის რწმუნებით მიაგნეს ხსნარის იდეალურ კონცენტრაციას — 1,25%.