ყავა ალცჰაიმერის განვითარების რისკს ამცირებს - კვლევის შედეგები
დემეცნიის ყველაზე გავრცელებული ფორმა ალცჰაიმერის დაავადებაა (AD). ექსპერტების შეფასებით, დემენციის შემთხვევათა 50%-75% სწორედ ალცჰაიმერის დაავადებაზე მოდის.
ალცჰაიმერი რთული ნეიროდეგენერაციული დაავადებაა, რომელიც თავის ტვინში რიგ ცვლილებებს იწვევს, რაც მეხსიერების დაკარგვით და შემეცნებითი უნარ-ჩვევების დაქვეითებით გამოიხატება.
ავსტრალიაში ჩატარებული ახალი კვლევის შედეგების თანახმად, მიღებული ყავის რაოდენობასა და კოგნიტური უნარ-ჩვევების დაქვეითების მაჩვენებელს შორის გარკვეული კავშირი არსებობს. წინა კვლევა აჩვენებს, რომ ყავა კოგნიტური დარღვევების შემთხვევების შემცირებასთან ასოცირდება.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
კვლევის ერთ-ერთი ავტორის თქმით, თუ მათი შედეგები სხვა კვლევებითაც დადასტურდა, ერთ დღესაც შესაძლებელია ყავის სმა გახდეს რეკომენდირებული, როგორც AD-ს შემაფერხებელი ფაქტორი.
ეს არის მარტივი საშუალება, რომელიც განსაკუთრებით სასარგებლო იქნება მათთვის, ვისაც არ აქვთ სიმპტომები, თუმცა კოგნიტური უნარ-ჩვევების დაქვეითების რისკის ქვეშ არიან.
კვლევის 60-მა მონაწილემ ტვინის PET სკანირება გაიარა, რათა თავის ტვინში ბეტა-ამილოიდების დაგროვება შეეფასებინათ. 51 მონაწილეს MRI სკანირება ჩაუტარდა, ტვინის მოცულობის ატროფიის შესაფასებლად.
აღნიშნული კვლევისას ყავის მიღებასა და თავის ტვინის ატროფიას შორის კავშირი არ გამოვლენილა, თუმცა ისინი, ვინც დიდი რაოდენობით ყავას ღებულობდნენ, თავის ტვინში ამილოიდური ცილების გაცილებით ნელი დაგროვება აღენიშნებოდათ. აღნიშნული ცილა ალცჰაიმერით დაავადებულთა თავის ტვინში გროვდება.
კვლევის შედეგების თანახმად, დღეში 1-2 ფინჯანი ყავის მირთმევა, კოგნიტური უნარ-ჩვევების დაქვეითების შემთხვევებს 8%-ით ამცირებს (18 თვის შემდეგ). ამავე პერიოდის განმავლობაში 5%-ით მცირდება ცერებრალური ბეტა-ამილოიდის დაგროვებაც.
კვლევის ავტორების თქმით, მათი აღმოჩენა და ყავის პოტენციური სარგებელი ნამდვილად იმსახურებს ყურადღებას.
ახლახანს FDA-მ ახალი მედიკამენტი დაამტკიცა, რომელიც ალცჰაიმერის სამკურნალოდ გამოიყენება, პრეპარატი „ადუჰელმი“ .
კომპანია „ Biogen”-ის მიერ წარმოებული „ადუკანუმაბი“ ალცჰაიმერის გამომწვევი წებოვანი ცილების დაგროვებას აფერხებს (ბეტა-ამილოიდები), თუმცა საკამათოა, როგორ მოქმედებს ის კოგნიტური უნარ-ჩვევების დაქვეითების შესამცირებლად.
ყავა კი, როგორც აღმოჩნდა, ეფექტურია შემეცნებითი უნარ-ჩვევების დარღვევის შესამსუბუქებლად. თუმცა, აღნიშნული შედეგების დასამტკიცებლად საჭიროა დამატებითი კვლევები.
