რამდენმა ადამიანმა დაკარგა კოვიდის გამო ყნოსვა
ჯერჯერობით არაა ცნობილი რატომ უნარჩუნდება ეს სიმპტომი ადამიანების ნაწილს ხანგრძლივად, მას შემდეგ, რაც ორგანიზმი ვირუსისგან სუფთავდება.
ამასთან, ყნოსვის დაკარგვა არა მარტო ცხოვრების ხარისხს აქვეითებს, შეიძლება საშიში იყოს, რადგანაც ყნოსვით ჩვენ სწრაფად ვიღებთ ინფორმაციას სიცოცხლისათვის საშიში მოვლენების შესახებ - გაფუჭებული საკვები, ხანძარი, ტოქსიკური ნივთიერებების გაჟონვა და ა.შ.. ჯერჯერობით არ არის შესწავლილი კოვიდის გადატანის შემდეგ, რამდენად ხშირად აღენიშნებათ ადამიანებს ყნოსვის დაკარგვა და რა დრო სჭირდება ამ ფუნქციის აღდგენას.
აშშ-ს მკვლევარებმა სტატისტიკური მოდელირების მეთოდების გამოყენებით შეაფასეს ქრონიკული ყნოსვითი დისფუნქციის მასშტაბები აშშ-ში.
მეცნიერები მივიდნენ იმ დასკვნამდე, რომ საშუალოდ ამერიკელების რაოდენობა, რომლებიც კოვიდის გადატანის შემდეგ აღენიშნებათ ყნოსვის დაკარგვა, შეიძლება შეადგენდეს დაახლოებით 700 ათას ადამიანს. ეს ციფრი შეშფოთების საბაბს იძლევა, რადგანაც მოსახლეობის მიერ ყნოსვის მასობრივი დაკარგვა შეიძლება წარმოადგენდეს საზოგადოებრივი ჯანდაცვის პრობლემას. ამიტომ აუცილებელია ქრონიკული ყნოსვითი დისფუნქციის მკურნალობის მეთოდების მოძიება.