რას ამბობენ დღეისთვის მეცნიერები პირბადეების ეფექტურობაზე კორონავირუსთან ბრძოლაში
მკვლევარება ჩაატარეს სამეცნიერო სამუშაოს მეტაანალიზი იმისათვის, რომ გაეგოთ კორონავირუსის პროფილაქტიკის საზოგადოებრივი ღონისძიებების ეფექტურობა, როგორიცაა: პირბადეს ტარება, სოციალური დისტანცია და ხელების დაბანა. ანალიზი მოიცავდა რვა სამეცნიერო კვლევას, რომელმაც აჩვენა COVID-19-ით ავადობის მაჩვენებლის დაქვეითება ხელების დაბანის შემთხვევაში 53%-ით, პირბადეების ტარებისას 53%-ით და სოციალური დისტანციის დაცვისას 25%-ით.
სულ მეცნიერებმა ჩაატარეს 72 კვლევა. 35 მათგანი აფასებდა ცალკეული ღონისძიებების, ხოლო 37 კვლევა მათი ერთობლიობის ეფექტურობას.
აშშ-ში ჩატარებულმა კვლევამ აჩვენა, რომ სკოლების დაკეტვით 62%-ით შემცირდა ავადობა და 58%-ით სიკვდილიანობა. თუმცა იაპონელმა მეცნიერებმა ასეთი კავშირი ვერ გამოავლინეს. საუდის არაბეთში COVID-19-ით ავადობა 4,9%-ით შემცირდა კარანტინის დაწესებიდან რვა კვირის შემდეგ. ინდოელმა მეცნიერებმა დააფიქსირეს, რომ კარანტინის არარსებობისას SARS-CoV-2 გადაცემის სიხშირე 14-ჯერ გაიზარდა.
აშშ-ში ჩატარებულმა კვლევამ აჩვენა, რომ სამსახურების დაკეტვით ვირუსის გადაცემა 12-16%-ით შემცირდა. ხოლო სამხრეთ აფრიკის რესპუბლიკაში ჩატარებულმა კვლევამ აჩვენა, რომ საყოველთაო იზოლაციამ ავადობის რისკი 14,1%-ით შეამცირა.