ბრიტანეთში კორონავირუსის პანდემიის მომავალი იწინასწარმეტყველეს
ექსპერტებს მიაჩნიათ, რომ COVID-19-თან ცხოვრება კიდევ მრავალი წელი მოგვიწევს.
მოსალოდნელია, რომ ვირუსი შემდეგშიც ფართოდ გავრცელდება მოსახლეობაში და ექნება ზამთარობით სეზონური აფეთქება, როგორც გრიპსა და სხვა რესპირატორულ დაავადებებს. მიუხედავად ამისა, მეცნიერები ვარაუდობენ, რომ COVID-19-ის ვაქცინის წყალობით მოხდება ისე, რომ შეიქმნება „მდგრადი მდგომარეობა“, ხოლო ჰოსპიტალიზირებულთა რიცხვი დღეში 750-ს არ გადააჭარბებს.
დოკუმენტში პირველად დაწვრილებითაა აღწერილი ბრიტანეთში პანდემიის განვითარების ოთხი სხვადასხვა სცენარი. ერთ-ერთი ოპტიმისტური სცენარით, დასნებოვნების ახალი შემთხვევების პიკი, დღეში 30 ათასი, ქვეყანაში იქნება ივლისში. ამის საწინააღმდეგოდ განიხილება სხვა ვარიანტიც, რომლის მიხედვითაც ზაფხულის პიკი იქნება 85 ათასი დაავადებული დღეში.