გენეტიკოსებმა რადიაციის გავლენაზე მოულოდნელი დასკვნა გააკეთეს
მერედიტ იიგერის ხელმძღვანელობით გამოიკვლიეს იმ ბავშვთა გენეტიკური ანომალიები, რომელთა მშობლებიც დაზარალდნენ ჩერნობილის ატომურ ელექტროსადგურზე მომხდარი ავარიის შედეგად. ანალიზმა არ აჩვენა ახალწარმოქმნილი მუტაციების სიჭარბე, რის შედეგადაც დაასკვნეს, რომ მაიონიზებელი გამოსხივებით გამოწვეული დნმ-ს დაზიანება მემკვიდრეობით არ გადაეცემა.
ასეთი გამოსხივება ზრდის დნმ-ს მუტაგენეზს, რაც აპროვოცირებს კიბოს და სხვა ანომალიების განვითარებას, რომლებიც დაკავშირებულია გენომის დაზიანებასთან.
აღნიშნული მუტაციების მშობლებიდან შვილებზე გადაცემის საკითხი გამოიკვლიეს ჩერნობილის ატომური სადგურის ავარიის ლიკვიდატორებისა და სადგურის ტექნიკური პერსონალის ოჯახებიდან 130 ბავშვის მაგალითზე, რომლებიც დაიბადნენ 1987-2002 წლებში.
ახალწარმოქმნილი მუტაციები აღმოცენდება გამეტებში, სასქესო უჯრედებში შემთხვევითი მუტაციების შედეგად. ანალიზით დადგინდა, რომ ამ ბავშვებს, რომელთა მშობლებიც დაექვემდებარნენ რადიაციულ გამოსხივებას, არ აღმოაჩნდათ უჯრედებში ჭარბი მუტაცია.