რატომ მცირდება თმის მოცულობა სტრესის დროს
ჰარვარდის უნივერსიტეტის გენეტიკოსებმა შეძლეს ამ კანონზომიერების ახსნა. გამოვლინდა კავშირი სტრესის ჰორმონსა და თმის ზრდის შენელებას შორის. ამ ჰორმონის ბლოკადამ ცხოველებში თმის ფოლიკულს ნორმალური ფუნქციის აღდგენის საშუალება მისცა.
ქრონიკული სტრესის დროს მღრღნელებს გამოეყოფათ კორტიკოსტერონი. სწორედ ის თრგუნავს თმის ზრდას თმის ფოლიკულების ღეროვან უჯრედებზე გავლენის ხარჯზე. ადამიანებთან კი ამ ჰორმონის ანალოგი – კორტიზოლია. სტრესის ჰორმონის კონცენტრაციის მომატებას თმის ფოლიკულები გადაჰყავს მოსვენების სტადიაში. კორტიკოსტერონის დონის დაქვეითება კი ააქტიურებს ღეროვან უჯრედებს და ახალი თმის ზრდას.
უფრო დეტალურმა ანალიზმა აჩვენა, რომ კორტიკოსტერონი მოქმედებს დერმულ დვრილებზე და თრგუნავს Gას6 გენის ექსპრესიას. ეს გენი დაკავშირებულია იმ ცილასთან, რომელიც ხელს უწყობს თმის ფოლიკულის ღეროვანი უჯრედების გამრავლებას. შესაბამისად, Gას6 ექსპერესიის აღდგენა ხელს უწყობს თმის ზრდას.
ამასთან, კორტიკოსტერონის არარსებობისას თმის ფოლიკულის ღეროვანი უჯრედები გაცილებით უფრო აქტიურად ერთვებიან რეგენერაციის ციკლში. ქრონიკული სტრესი და კორტიკოსტერონის მომატებული დონე თრგუნავს ღეროვანი უჯრედების მოსვენებულ მდგომარეობას და ამყოფებს თმის ფოლიკულს „მძინარე“ მდგომარეობაში.