რა არის სისხლძარღვების დაავადების მიზეზი
ქოლესტერინის დონის მიუხედავად. ეს გენები მნიშვნელოვანია გულ-სისხლძარღვთა სისტემის ფუნქციასთან შეჭიდული სხვა დაავადებების განვითარებაშიც.
ამგვარად, SVEP1 გენი უკავშირდება იმ ცილის წარმოებას, რომელიც ასტიმულირებს ქოლესტერინის ფოლაქების წარმოქმნას არტერიებში. როგორც ექსპერიმენტმა აჩვენა, SVEP1-ის ერთი ასლის არმქონე თაგვებს უფრო ნაკლები ფოლაქი წარმოექმნათ არტერიებში, ვიდრე ორივე ასლის მქონეებს.
ადამიანების გენეტიკური მონაცემების ანალიზისას მკვლევარებმა აღმოაჩინეს, რომ გენეტიკური ვარიაციები, რომლებიც ორგანიზმში ამ ცილის დონეზე მოქმედებენ, კორელირებს არტერიებში ფოლაქების წარმოქმნის რისკთან. საზოგადოდ, გენეტიკურად დეტერმინირებული ცილის მაღალი დონე ნიშნავს ათეროსკლეროზული ფოლაქების წარმოქმნის მაღალ რისკს და პირიქით.
ცილის უფრო მაღალი დონე კორელირებდა დიაბეტისა და არტერიული ჰიპერტენზიის განვითარების მაღალ მაჩვენებელთან. აღნიშნული ცილა რთული სტრუქტურული მოლეკულაა და გამომუშავდება სისხლძარღვების გლუვკუნთოვანი უჯრედებით. ცილა იწვევს ანთებას არტერიების კედლებზე წარმოქმნილ ფოლაქებში და მათ ნაკლებად სტაბილურს ხდის. მოწყვეტის შემთხვევაში შეიძლება განვითარდეს ინსულტი ან გულის შეტევა.