ერთი და იმავე ბრენდის მიერ წარმოებული წყლის დალევის შემდეგ, 5 ადამიანს არავირუსული ჰეპატიტი განუვითარდა- FDA გამოძიებას ატარებს
თავი შეიკავონ „REAL WATER” -ის წყლის დალევისაგან, ასევე არ გამოიყენონ აღნიშნული ბრენდი საკვების მოსამზადებლად.
ვინაიდან, „REAL WATER”-ის გამოყენების შემდეგ რამდენიმე ადამიანს განუვითარდა მწვავე არავირუსული ჰეპატიტი და საბოლოოდ, ღვიძლის მწვავე უკმარისობა.
ახლა FDA-ის ოფიციალური წარმომადგენლები იკვლევენ ნამდვილად წყალმა გამოიწვია თუ არა ჰეპატიტი და ღვიძლის მწვავე უკმარისობა.
მათი განცხადებით, აღნიშნულ შემთხვევათა ერთადერთი საერთო რგოლი სწორედ „REAL WATER”-ის წყალია და ისინი გამოძიებას განაგრძობენ.
არავირუსული ჰეპატიტი არის ღვიძლის ანთება, რამაც შეიძლება ნაწიბური გამოიწვიოს(ციროზი), ღვიძლის კიბო, ღვიძლის უკმარისობა, ან სიკვდილი.
არსებობს სამი სახის არავირუსული ჰეპატიტი, ესენია: ალკოჰოლის ჭარბი რაოდენობით მიღების შედეგად განვითარებული, აუტოიმუნური ჰეპატიტი, რომელიც იმუნური სისტემის შეტევით არის გამოუწვეული და ტოქსიკური ჰეპატიტი - გამოწვეული ქიმიკატებით, კვებითი დანამატებითა და მედიკამენტებით.
რაც შეეხება ღვიძლის მწავევ უკმარისობას, დაავადება ორგანოს ფუნქციის მოშლას/დაკარგვას იწვევს. ეს ყველაფერი კი სწრაფად ვითარდება, რამდენიმე დღეში, ან კვირაში.
წყლის მიღების შემდეგ მოზარდებს, ბავშვებსა და ახლშობილებსაც კი განუვითარდათ რიგი უკუჩვენება, ისინი თავს ცუდად გრძნობდნენ.
FDA-ს განცხადების შემდეგ სასამართლოში სამი სარჩელი შეიტანეს ბრენდის წინააღმდეგ.
ერთ-ერთ სასამართლო პროცესზე 5 ადამიანი უჩიოდა „REAL WATER”-ს, მათ თქმით, ჯერ კიდევ 2018 წელს დაავადნენ წყლის მიღების შედეგად.
მათგან ორს ღვიძლის უკმარისობა განუვითარდა, ერთ-ერთს კი ღვიძლის გადანერგვაც კი დასჭირდა.
კომპანიის საიტზე აღნიშნულია, რომ ბრენდი პრემიუმ ხარისხის არის. „REAL WATER” ტუტე წყალია, რომელიც PH-ს ანეიტრალებს და ორგანიზმს ბალანსის აღდგენაში ეხმარება.
აღნიშნული შემთხვევები ნევადაში მოხდა, თუმცა კომპანიამ მთლიანად აშშ-ს ბაზრიდან გამოითხოვა პროდუქცია. მათ თქმით, ბრენდის მიზანი უსაფრთხოებაა და ისინი პასუხისმგებლობით ეკიდებიან საზოგადოების ჯანმრთელობას.
კომპანია FDA-სთან თანამშრომლობაზე მზადყოფნას გამოთქვამს.
აშშ-ს სურსათისა და წამლის ადმინისტრაცია მოუწოდებს მათ, ვისაც არავირუსული ჰეპატიტის ნიშნები აქვთ, მიმართონ ექიმს.
ჰეპატიტის სიმპტომებია:
ცხელება;
დაღლილობა;
მადის დაკარგვა;
გულისრევა; ღებინება;
მუცლის ტკივილი;
მუქი შარდი;
სახსრების ტკივილი;
სიყვითლე და ყვითელი თვალები.