მკვლევარებმა ალცჰაიმერით დაავადებულ ადამიანთა თავის ტვინში მეტალთა ნანონაწილაკები აღმოაჩინეს
მკვლევართა საერთაშორისო ჯგუფმა იმ ორი ადამიანის თავის ტვინის ნიმუშები (გვამის გაკვეთისას) შეისწავლეს, რომლებსაც ალცჰაიმერის დაავადება ჰქონდათ - ტვინში მეტალები აღმოჩდა.
ლითონის იონები, ანუ დამუხტული ნაწილაკები, აუცილებელი შემადგენელი კომპონენტია ბევრი ფერმენტის, ისინი მათ ქიმიურ რეაქციებში მონაწილეობენ, როგორც კატალიზატორები.
თუმცა, რკინისა და სპილენძის მეტალები, რომლებიც ალცჰაიმერით დაავადებულთა თავის ტვინში ნახეს, ელემენტარული, დაუმუხტავი ლითონებია. ისინი ბეტა-ამილოიდური ფირფიტების შიგნით აღმოჩნდა, ანუ იმ ცილების ჯგუფში, რომლებიც ალცჰაიმერის დაავადების ნიშანია.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მეტალები იმდენად რეაქტიულები არიან, რომ მათ შეუძლიათ ნერვული ქსოვილი დააზიანონ, ამის თავიდან ასაცილებლად თავის ტვინმა ისინი შეიძლება ფირფიტების შიგნით ჩაკეტოს.
წინა კვლევებით გაირკვა კავშირი თავის ტვინის ქსოვილში სპილენძისა და რკინის მეტაბოლიზმის შედეგებსა და ნეიროდეგენრაციულ დაავადებებს შორის, მათ შორის ალცჰაიმერის დაავადებასთან.
ახალი კვლევისას მეცნიერების მიერ აღმოჩენილი პატარა, ელემენტარული რკინის ნაწილაკები მაგნიტურია.
ამიტომ, ექიმებს შეუძლიათ მათი თავის ტვინში აღმოჩენა დაავადების ერთგვარ ნიშნად, ან ალცჰაიმერის პროგრესირების მარკერად გამოიყენონ (ნაწილაკები შესაძლებელია გამოჩნდეს მაგნიტო რეზონანსული ტომოგრაფიის გადაღებისას ).
კვლევაში გაერთიანებული ბრიტანეთისა და ტეხასის უნივერსიტეტების მეცნიერები ღებულობდნენ მონაწილეობას, მათ უმაღლესი ხარისხის რენტგენი გამოიყენეს, ასევე, სინქროტრონული ტექნიკა, რომელიც მაღალი მგრძნობელობითა და სიზუსტით გამოირჩევა.
კვლევის შემდგომი ეტაპი მეტალთა ნანონაწილაკების ძიებაა თავის ტვინის სხვა უბნებში. მკვლევარების თქმით, თუ მეტალები მხოლოდ ამილოიდურ ფირფიტებში გროვდება, ეს ნეირომეცნიერებს დაეხმარება იმის გარკვევაში, თუ რას აკეთებენ ისინი იქ და რატომ გროვდებიან მაინცდამაინც ამ ნაწილში, ასევე რა როლს თამაშობენ ალცჰაიმერის დაავადების შემთხვევაში.
აღნიშნული კვლევა ალცჰაიმერის მკურნალობის ახალი მეთოდის საწყისი შეიძლება გახდეს.
