მეცნიერებმა სოკოს სიმსივნის საწინააღმდეგო ეფექტი დაამტკიცეს
რომ ონკოლოგიური დაავადებების განვითარების რისკის შემცირების თვალსაზრისით, სოკო განსაკუთრებით სასარგებლოა. კვლევები შეეხებოდა კვებასა და კიბოს განვითარებას შორის კავშირს. ანალიზის ფარგლებში გათვალისწინებული იქნა 19500-ზე მეტი ადამიანის მონაცემი. ადამიანებში, რომელთა ყოველდღიურ რაციონშიც შედიოდა ნებისმიერი სახეობის სოკო, კიბოს განვითარების რისკი დაქვეითებული იყო.
მეცნიერების განმარტებით, დღეში 18 გრამი სოკოს მიღებით, კიბოს რისკი ქვეითდებოდა 45%-ით, მათთან შედარებით, ვის რაციონშიდაც სოკო საერთოდ არ იყო. სოკოს დადებითი ეფექტი განსაკუთრებით გამოვლინდა სარძევე ჯირკვლის კიბოს შემთხვევაში. ცნობილია, რომ სოკო მდიდარია ვიტამინებით, მიკროელემენტებით და საკვები ნივთიერებებით.
სოკო ასევე დიდი რაოდენობით შეიცავს ერგოთიონეინს. ეს წყალში ხსნადი ამინომჟავაა, რომელსაც ძლიერი ანტიოქსიდანტური თვისებები გააჩნია. სწორედ ამით აიხსნება ძირითადად სოკოს კიბოს საწინააღმდეგო ეფექტი. მნიშვნელოვანია, რომ ერგოთიონეინი მდგრადია მაღლი ტემპერატურის მიმართ, რაც იმას ნიშნავს, რომ სოკო ნებისმიერი სახით არის სასარგებლო.