საკვების მიღებისას ორჯერადად ირთვება დოფამინის გამომუშავების მექანიზმი
ტვინი ორჯერ ააქტივებს დოფამინის გამომუშავებას, პირველად ჭამის პროცესში, მეორედ კი საკვების მონელება-გადამუშავებისას.
კვლევის ფარგლებში 12 მოხალისე მაგნიტურ-რეზონანსული ტომოგრაფიული დაკვირვების ქვეშ იმყოფებოდა. მეცნიერებმა შეძლეს თავის ტვინის ცალკეული უბნების ფუნქციობის შესწავლა-ანალიზი.
დოფამინის პირველი გამომუშავება ხდებოდა საკვების ღეჭვა-ყლაპვისას, მეორე კი დაახლოებით 15-20 წუთში, როდესაც იწყებოდა მისი შეთვისება.
კვლევის ფარგლებში კიდევ ერთი საინტერესო ფაქტი გამოიკვეთა: რაც უფრო მეტი დოფამინი გამომუშავდებოდა პირველ ფაზაში, მით უფრო ნაკლებად გამოიყოფოდა ის მეორე ეტაპზე.
შეგახსენებთ, რომ დოფამინი ერთ-ერთი მნიშვნელოვანი ნეიროტრანსმიტერია, რომელიც ცენტრალურ ნერვულ სისტემაში იმპულსთა გადაცემაზეა პასუხისმგებელი, მას უკავშირდება ზოგადი კმაყოფილების შეგრძნება, ინფორმაციის დამახსოვრება-დამუშავება. დოფამინი განსაზღვრავს ასევე ლიბიდოს.
ამგვარად, ყურადღება მიაქციეთ საკვების მიღების რეჟიმს!