შაქარი კუნთოვანი ქსოვილის აღდგენის პროცესს უშლის ხელს
რომლებიც კუნთების აღდგენისათვის საკვანძო ელემენტებია, უფრო კარგად მრავლდებიან გლუკოზის დაბალი შემცველობის გარემოში. სატელიტური უჯრედები კუნთოვან ბოჭკოებში განსაკუთრებული ტიპის ღეროვანი უჯრედებია. როდესაც კუნთოვანი უჯრედები ზიანდება, უჯრედი-სატელიტები აქტიურდებიან, ერთვებიან გამრავლების პროცესში და ინტეგრირდებიან კუნთოვან უჯრედებში, რითაც ხელს უწყობენ დაზიანების აღდგენას და კუნთოვანი მასის შენარჩუნებას.
მიჩნეულია, რომ უჯრედები ენერგიის წყაროდ იყენებენ შაქარს, მაგრამ სატელიტური უჯრედებისთვის საქმე სხვაგვარადაა. პეტრის ფინჯანში უჯრედულ კულტურებზე ჩატარებული ექსპერიმენტები აჩვენებს, რომ გლუკოზის მაღალი დონე უარყოფითად მოქმედებს აღნიშნული უჯრედების ზრდის სიჩქარეზე. ხოლო გლუკოზის დაბალი შემცველობის გარემოში ხდებოდა ამ უჯრედების აქტიური გამრავლება.
მკვლევარებმა, გლუკოზის დონის დასაწევად, უჯრედებს დაუმატეს გლუკოზის გადამამუშავებელი ფერმენტი- გლუკოოქსიდაზა. სატელიტური უჯრედები ამგვარ გარემოშიც ნორმალურად მრავლდებოდა. მაშასადამე, აღნიშნული ღეროვანი უჯრედები ენერგიას ღებულობენ არა შაქრიდან, არამედ სრულიად სხვა წყაროდან. აღნიშნული ფაქტით აიხსნება ის, თუ რატომ კარგავენ კუნთურ მასას დიაბეტით დაავადებული პირები შაქრის მაღალი დონისას.