რა არის ანტიპირენი და როგორ ადგენენ ორგანიზმში ამ მავნე ნაერთების არსებობას

ინდიანას უნივერსიტეტის მეცნიერებმა, ჯერ კიდევ 10 წლის წინ, 50 ადამიანის თმისა და ფრჩხილის ნიმუშების გამოკვლევით დაადგინეს, რომ თმისა და ფრჩხილების დახმარებით, ადამიანის ორგანიზმში არსებული, პოტენციურად მავნე ქიმიური ნაერთების - ანტიპირენების, განსაზღვრა შეიძლება. ამ ნაერთებს ხშირად უმატებენ პლასტიკატს, პოროლონს, ხეს და ქსოვილს.

ადრე ჩატარებულ კვლევათა მიხედვით, ორგანიზმში ანტიპირენების მაღალი დონე განაპირობებს სიმსუქნეს, სწავლის გაძნელებას, ნერვული, რეპროდუქციული და ენდოკრინული სისტემების პრობლემებს.

თუმცა, ამ ნაერთების ადამიანზე ზეგავლენის შესახებ, ბევრი რამ ჯერ კიდევ უცნობია.

ანტიპირენების დონის განსაზღვრისთვის აქამდე იყენებდნენ რძის, სისხლისა და შარდის ნიმუშებს. მათზე

გაცილებით ადვილია თმისა და ფრჩხილის ნიმუშების აღება.

ექსპერტებმა ანტიპირენების რაოდენობა სხვადასხვა ნიმუშის მიხედვით შეაფასეს და შედეგები ერთმანეთს შეადარეს. მათ მონაწილეთა სისხლში, თმასა და ფრჩხილებში არსებული ანტიპირენების კონცენტრაციებს შორის მჭიდრო კავშირი დაადგინეს.