ახალი უჯრედული თერაპია - ხერხემლის ტრავმის მქონე პაციენტების იმედის საფუძველი
მეცნიერებს აინტერესებდათ მეთოდის უსაფრთხოება და ხელმისაწვდომობა. ექსპერიმენტში ჩართული იქნა ზურგის ტვინის არაგამჭოლი ტრავმის მქონე 13 პაციენტი. ტრავმები მათ მიიღეს სიმაღლიდან ვარდნის შედეგად მკურნალობის დაწყებამდე რამოდენიმე კვირით ადრე.
ტრავმის შედეგად აღენიშნებოდათ მოძრაობის უნარის, სხეულის მგრძნობელობის დაკარგვა, ნაწლავების და შარდის ბუშტის ფუნქციონირების დარღვევა. როგორც იტყობინებიან, ყველა პაციენტს შეუყვანეს საკუთარი ძვლის ტვინის ღეროვნი უჯრედები. აღნიშნულ უჯრედებს შეუძლია სხვადასხვა ტიპის უჯრედებად, მათ შორის ნეირონებად გარდაქმნა.
13-დან 12 პაციენტს ღეროვანი უჯრედების შეყვანიდან ნახევარი წლის განმავლობაში აღენიშნა მდგომარეობის მნიშვნელოვანი გაუმჯობესება. 5 პაციენტს გაუმჯობესება აღენიშნა ერთ დღეში, ხოლო დანარჩენებს ნერვული სისტემის საკვანძო ფუნქციები, მათ შორის სიარულის და ხელების მოძრაობის უნარი აღუდგა თერპიის დაწყებიდან პირველივე კვირის განმავლობაში. მნიშვნელოვანია, რომ გვერდითი ეფექტები არ დაფიქსირებულა.