დღე დაძინების ჩვევა გენებითაა განპირობებული
და არა ხასიათის თავისებურებით ან გარემოებებით.
მეცნიერებმა 450 ათას ადამიანზე მეტი გენომი გაშიფრეს და აღნიშნული გენეტიკური მონაცემები შეაჯერეს დღის ძილთან დაკავშირებით მათ პასუხებთან. პასუხების სიზუსტე შეამოწმეს სპეციალური მოწყობილობის საშუალებით, რომელიც დღის განმავლობაში ახდენდა მონაწილეს ფიზიკური აქტივობის რეგისტრაციას. როგორც მეცნიერებმა დაადგინეს, სხვებთან შედარებით, დღე ის ადამიანები იძინებდნენ, რომელთაც ბუნებრივად ჰქონდათ ძილის გაზრდილი მოთხოვნილება, ან ღამით ცუდად ეძინათ, ან ვინც დილას ადრე დგებოდა.
ადამიანის გენომში გამოავლინეს დღე ძილის ჩვევის მარეგულირებელი 123 უბანი. მიღებული შედეგები დამტკიცდა 540 ათასზე მეტი ადამიანის გენომის ანალიზისას.
გენების უმრავლესობა განლაგებულია გენომის იმ რაიონებში, სადაც "ძილის გენებია", რადგანაც ისინი მონაწილეობენ ძილსა და სიფხიზლის პროცესებში.
რამოდენიმე გენეტიკური ვარიანტი უკავშირდებოდა ნარკოლეფსიას- ნერვული სისტემის დაავადებას, რომელსაც ახასიათებს გადაულახავი ძილიანობა და დღის მანძილზე უეცარი ჩაძინება. ამ გენებით დარეგულირებულ სასიგნალო გზებში უმნიშვნელო გადახრით აიხსნება ის, თუ რატომ სძინავთ დღე ზოგიერთს სხვებთან შედარებით მეტ ხანს.
მეცნიერების განცხადებით, დღის ძილის საფუძველს სწორედ ჩვენი ბიოლოგია წარმოადგენს და არა მხოლოდ გარემო ფაქტორები ან ჩვენი სიტუაციური გადაწყვეტილებები.