მკვლევრებმა ხელოვნური ორგანოების შექმნის თვალსაზრისით წარმატებას მიაღწიეს
როგორც სამგანზომილებიანი ხელოვნური ცოცხალი ქსოვილების შექმნის ნაწილი. ვაშინგტონისა და რაისის უნივერსიტეტები ცდილობენ ამ გზით ხელოვნური ღვიძლისა და ფილტვების მიღებას.
მეცნიერთა აზრით, ხელოვნური ქსოვილების გამოყენება შეიძლება, მაგალითად, წამლების მოქმედების შესასწავლად. მომავალში ასევე შესაძლებელი იქნება ამ ორგანოების ხელოვნურით ჩანაცვლება. ერთ-ერთი მთავარი პრობლემაა ღეროვანი უჯრედების სწორად დიფერენცირება, რათა ორგანოს ძირითადი საფუძვლის - სხვადასხვა უჯრედის ფორმირება მოხდეს. ღვიძლის უჯრედები ძირითადი გენების წყალობით მიემართებიან დანიშნულების ადგილებისკენ თავიანთი მოვალეობების შესასრულებლად. ეს მექანიზმი ცნობილია, მაგრამ ძნელია მისი განხორციელება რთულ სისტემებში.
მეცნიერთა თქმით, პრობლემას აგვარებს თერმოსითხის ტექნოლოგია, რომელიც წარმოქმნის ადამიანის ღვიძლში აღმოჩენილი გენეტიკური პროფილების მსგავს ნიმუშებს. 3D პრინტერით შეიქმნა გამჭოლი სითბოს მოსაწოდებელი სითხის სისტემები. ამ სისტემების ენერგია მკვლევრებს საშუალებას აძლევს ხელოვნურ ქსოვილებში მართონ უჯრედების გენეტიკური შემადგენლობა.
ტექნოლოგია იყენებს თერმულ შაბლონებს გენების ექსპრესიის გასაშვებად. ქსოვილებში ნაბეჭდი ქსელებიდან სითბოს გადატანა ააქტიურებს ჩანერგილი სითბოთი ინდუცირებულ ტრანსგენებს. ამ მანიპულაციებით შეიძლება გაირკვეს, როგორ იმართება ქსოვილის სეგრეგაცია და ღვიძლის სხვადასხვა ფუნქცია. ბოლოდროინდელი კვლევის დროს მეცნიერებმა გაააქტიურეს ჭნტ სასიგნალო ქსელები, რომლებიც მნიშვნელოვანია სხეულის ქსოვილების განვითარების, შენარჩუნებისა და რეგენერაციის რეგულირებისთვის.