ილიკო სუხიშვილი ავარიაში მოყვა - ის კლინიკაშია გადაყვანილი
ის მოტოციკლით ხეს შეეჯახა.
როგორც "ინტერპრესნიუსს" საგანგებო სიტუაციების კოორდინაციისა და გადაუდებელი დახმარების ცენტრში განუცხადეს, ილიკო სუხიშვილს სასწრაფო სამედიცინო დახმარების ეკიპაჟმა გადაუდებელი დახმარება ადგილზე აღმოუჩინა. მას ზედაპირული მრავლობითი ტრავმები აღენიშნებოდა. როგორც ცენტრში განმარტავენ, სუხიშვილს შესაძლოა, ქვედა კიდურის მოტეხილობა ჰქონდეს. ის შესაბამის სამედიცინო დაწესებულებაშია გადაყვანილი.
ხატია ეკიზაშვილი, "ნაციონალური ბალეტის" ადმინისტრატორი:
"ილიკო კარგადაა და მის სიცოცხლეს საფრთხე არ ემუქრება. მას ერთი მოტეხილობა აქვს წვივთან, ისეთი სერიოზული არაფერია, გადავრჩით! რა და როგორ მოხდა, ჯერ არაფერი ვიცით. მთავარია, რომ ყველაფერი კარგადაა".