ბირთვული მაგნიტურ-რეზონანსული სკანირება გარემოსთვის სახიფათოა
ამ ელემენტს შეიცავს საკონტრასტო ნივთიერება, რომელიც ენიშნებათ პაციენტებს ბირთვული მაგნიტურ-რეზონანსული ტომოგრაფიის დროს.
საკონტრასტო ნივთიერება ზრდის სკანირების დროს მიღებული სურათების ხარისხს. აღნიშნულ ნივთიერებებში გადოლინიუმი სტაბილიზებულია, მაგრამ გარემოში მოხვედრის შემდეგ, ულტრაიისფერი სხივების ზემოქმედებით, ის ტოქსიკური ხდება.
ნაერთის 98% პაციენტის ორგანიზმიდან 24 საათის განმავლობაში შარდის საშუალებით გამოიყოფა და გამდინარე წყლებში ჩაედინება. ჩვეულებრივი გამწმენდი ნაგებობები მას ვერ ფილტრავს, ამიტომ უშუალოდ გარემოში ხვდება.
ექსპერტებმა აღმოაჩინეს გადოლინიუმის დონის მომატება მდინარის წყლებში, განსაკუთრებით წყლის გამწმენდი ნაგებობების ახლოს. იმის გათვალისწინებით, რომ მაგნიტურ-რეზონანსულ ტომოგრაფიულ კვლევას ყველგან ატარებენ, სპეციალისტები ეკოლოგიური სტანდარტების გადახედვისა და ადამიანის ჯანმრთელობაზე მისი გავლენის კვლევისაკენ მოუწოდებენ.