ახალშობილს ღეროვანი უჯრედების უნიკალური გადანერგვა ჩაუტარდა
ახალშობილს გადაუნერგეს ღეროვანი უჯრედები ღვიძლის აღსადგენად. გასულ შემოდგომაზე დაბადებულ ბავშვს დარღვეული ჰქონდა შარდოვანას ციკლი. ცვლითი პროცესების დარღვევის შედეგად, ღვიძლში დიდი რაოდენობით ამიაკი დაგროვდა, რის შედეგადაც განვითარდა სიცოცხლისათვის საშიში ინტოქსიკაცია. ამგვარი გადახრის მქონე პირებს სჭირდებათ ღვიძლის გადანერგვა, მაგრამ აღნიშნული ოპერაცია მხოლოდ 3 თვის ზემოთ ბავშვებს შეიძლება ჩაუტარდეს. ღეროვანი უჯრედების გადანერგვა ოპერაციული თერაპიის შესანიშნავი ალტერნატივა აღმოჩნდა. გადანერგვის მომენტისთვის ბავშვი 6 კვირისა იყო.
მას ჩაუნერგეს დაახლოებით 190 მილიონი ღეროვანი უჯრედი. ორგანიზმს უჯრედები კარგად შეეთვისა, აღდგა ღვიძლის მუშაობა და ამიაკის დაშლის ნორმალური სქემა. ბავშვის მდგომარეობა ნორმალური გახდა, რამაც დროის მოგების შესაძლებლობა შექმნა, ამა წლის გაზაფხულზე ბავშვს ჩაუტარდა ღვიძლის გადანერგვა.