ინჟინრებმა პარალიზებული კიდურის მგრძნობელობა აღადგინეს
ეს საშუალებას იძლევა აღდგეს ზურგის ტვინის ტრავმის მქონე პაციენტების კიდურებში მოძრაობა და ტაქტილური მგრძნობელობა.
მეცნიერებმა კომპიუტერის ჩიპი 28 წლის პაციენტის ტვინში ჩანერგეს, რომელსაც მარჯვენა ხელში ჰქონდა მგრძნობელობა დაკარგული. თავად კიდურში განათავსეს ელექტროდები, რომლებიც უზრუნველყოფდნენ მის მოძრაობას ტვინიდან გაშვებული სიგნალების ხარჯზე. სისტემამ ეფექტურად შეკრიბა იმპლანტიდან წამოსული მონაცემები, შეუფარდა ისინი ალგორითმს, რომელიც მონაცემებს ყოფდა მოძრაობისა და შეგრძნებების ინფორმაციად. შედეგად აღმოჩნდა, რომ პაციენტებს შეუნარჩუნდათ კიდურის მგრძნობელობის აღმქმელი სიგნალები. თუმცა, ეს სიგნალები ძალიან სუსტი იყო.
მაშინ მეცნიერებმა გადაწყვიტეს ამ სიგნალების გაძლიერება და უკან, ხელში განლაგებულ ელექტროდებში გადამისამართება (აღნიშნული ელექტროდები უზრუნველყოფდნენ პარალიზებული კიდურის მოძრაობას). ასევე იყენებდნენ ვიბრაციას (მისი გენერაცია ხდებოდა სპეციალური სამაჯურით) ტაქტილური შეგრძნებების გასაძლიერებლად. დამტკიცდა, რომ ტაქტილური მგრძნობელობის აღდგენა მოძრაობის სიზუსტის გაუმჯობესების საშუალებას იძლეოდა. ამჟამად მეცნიერები მუშაობენ პორტატული სისტემის ვერსიის შექმნაზე.