მეცნიერებმა გრიპის ვირუსისგან დაცვის საშუალება აღმოაჩინეს
გაციებებმა შეიძლება დაასუსტოს გრიპის ვირუსი. ეს დასკვნა გაკეთდა ვირუსული ბუნების რესპირატორული დაავადების მქონე 13000 ადამიანზე დაკვირვებით. ასევე ზედა სასუნთქი გზების და ფილტვის ქსოვილის ამომფენი ეპითელიუმის ღეროვანი უჯრედებიდან ლაბორატორიულად შეიქმნა ადამიანის სასუნთქი გზების ხელოვნური ქსოვილი. აღნიშნული უჯრედები წარმოადგენს ვირუსის პირველ სამიზნეს. როგორც გამოვლინდა, დასნებოვნების მცდელობისას, უჯრედულ კულტურაში, რინოვირუსის აღმოჩენის შემთხვევაში, გრიპის ვირუსის იდენტიფიცირება ვერ ხერხდებოდა. იგივე დაადასტურა მოხალისეების მდგომარეობის ანალიზმა.
სპეციალისტების აზრით, რინოვირუსის არსებობით ხდება ანტივირუსული ცილა ინტერფერონის გამომუშავების სტიმულირება, რომელიც ინფექციის შეჭრაზე იმუნური სისტემის ადრეული პასუხის ნაწილი.
ეს ეფექტი შეიძლება გაგრძელდეს დაახლოებით ხუთი დღე, რაც მომდევნო ინფექციებისაგან შედარებით ხანგრძლივ იმუნურ დაცვას იძლევა.
სპეციალისტები აპირებენ ლაბორატორიულ პირობებში შეისწავლონ რინოვირუსების და გაციების გამომწვევის სხვა ვირუსების დახმარებით ორგანიზმის დაცვის პროცესი. შესაძლებელია აღნიშნული ვირუსები კარგი პროფილაქტიკა აღმოჩნდეს გრიპისა და СOVID-19-ისთვის.